Кампінас

	Кампінас
Герб Кампінасу	Сьцяг Кампінасу
Дата заснаваньня:	14 ліпеня 1774
Краіна:	Бразылія
Кіраўнік:	Жонас Данізэтэ[d]
Плошча:	795,667 км²;
Вышыня:	685 м н. у. м.
Насельніцтва:	▼1 139 047 чал. (2022);
Тэлефонны код:	19
Паштовы індэкс:	13000-000
Геаграфічныя каардынаты:	22°54′3″ пд. ш. 47°3′26″ з. д. / 22.90083° пд. ш. 47.05722° з. д.Каардынаты: 22°54′3″ пд. ш. 47°3′26″ з. д. / 22.90083° пд. ш. 47.05722° з. д.
	Кампінас на мапе Бразыліі Кампінас
	Галерэя здымкаў у Вікісховішчы
	http://www.campinas.sp.gov.br

Кампі́нас (па-партугальску: Campinas) — горад у Бразыліі, які месьціцца ў штаце Сан-Паўлу. Паводле ацэнак на 2020 год насельніцтва гораду складала каля 1,2 млн жыхароў, што робіць яго чатырнаццатым паводле колькасьці насельніцтва горадам Бразыліі і трэцім паводле колькасьці насельніцтва ў штаце. Кампінаскі ўнівэрсытэт уваходзіць у лік найлепшых унівэрсытэтаў Бразыліі і ўсёй Паўднёвай Амэрыцы^[3].

Гісторыя

Горад быў заснаваны Франсішку Барэту Лэмі 14 ліпеня 1774 году^[4]. Першапачаткова гэта быў фарпост, які быў пабудаваны на дарозе ў Мінас-Жэрайс і Гаяс. Карысталіся местам пераважна бандэйранты, якія шукалі каштоўныя карысныя выкапні і індзейскіх рабоў. У 1774 годзе ў паселішчы зьявілася першая капліца, якая аднак была часовай пабудовай. У гэтым жа годзе Кампінас атрымаў асабісты архітэктурны плян, а ў 1797 годзе ён набыў статус вёскі^[5].

У першай палове XIX стагодзьдзя Кампінас атрымаў значны прыбавак у колькасьці насельніцтва, дзякуючы зьяўленьню ў рэгіёне мноства фальваркаў, якія займаліся вырабам кавы, бавоўны і цукровага трысьнёгу. Будаўніцтва чыгункі, якая злучыла паміж сабой Сан-Паўлу і марскі порт Сантус, у 1867 годзе, мела вельмі важнае значэньне дзеля росту Кампінаса. У другой палове XIX стагодзьдзя праз скасаваньне рабства і індустрыялізацыю горад прывабіў вялікую колькасьць імігрантаў, каб замяніць страчаную працоўную сілу. Людзі выпраўляліся ў Кампінас у асноўным з Італіі.

Кава стала важным экспартавым вырабам, а горад стаў заможным. У выніку быў створаны вялікі сэктар паслуг, і ў першыя дзесяцігодзьдзі XX стагодзьдзя Кампінас ужо мог пахваліцца наяўнасьцю опэрнага тэатру, тэатраў, банкаў, кінатэатраў, радыёстанцыямі, філярмоніяй, дзьвюма газэтамі, добрай сыстэмай дзяржаўнай адукацыі і шпіталем. Дарэчы, найважнейшы на сёньня бразыльскі дасьледчы цэнтар у галіне сельскагаспадарчых навук, Кампінаскі агранамічны інстытут, быў заснаваны тутака яшчэ за імпэратарам Пэдру II. Нарэшце, будаўніцтва першай бразыльскай шашы ў 1938 годзе, якая злучыла Кампінас і Сан-Паўлу, стала паваротным момантам у інтэграцыі Кампінаса ўва эканоміку ўсяго штату.

Эканоміка

Кампінас займае 10 радок у сьпісе самых заможных гарадоў Бразыліі, маючы паказчык СУП на ўзроўні 36,68 млрд рэалаў паводле стану на 2010 году. Гэта ў сваю чаргу складае амаль 1% ад усяго бразыльскага СУП. У цяперашні час у горадзе сканцэнтравана каля 10% прамысловай вытворчасьці краіны^[6]. У рэгіёне разьмешчана больш за 17 тысячаў прадпрыемстваў, што выводзіць горад на другі радок паводле колькасьці прадпрыемстваў у штаце Сан-Паўлу^[7]. Эканоміка Кампінасу арыентуецца на сельскую гаспадарку, прамысловасьць, камэрцыю і сфэру паслуг^[8]. У горадзе маюцца офісы такіз буйных кампаніяў, як то IBM, Dell, Motorola, NXP, Lucent, Nortel, Compaq, Celestica, Samsung, Alcatel, Bosch, 3M, Texas Instruments і CI&T.

Крыніцы

^ ^а ^б https://www.todapolitica.com/eleicoes-2016/jonas-donizette/
^ Tabela 9605 - População residente, por cor ou raça, nos Censos Demográficos
^ «QS University Rankings: Latin America 2015». Top Universities.
^ «Rua Barreto Leme homenageia o fundador de Campinas». EMDEC.
^ «Pousada de tropeiro deu origem à vila de São Carlos». Folha de S.Paulo
^ «Comissão Permanente para os Vestibulares». Unicamp.
^ «Região é a 2ª no Estado de São Paulo em grandes empresas». Correio Popular.
^ «Economy of Campinas». BusinessReel.

Вонкавыя спасылкі

[_8fe5dd672d8a5323-1] а ^б https://www.todapolitica.com/eleicoes-2016/jonas-donizette/

[_9f20538006934ece-2] Tabela 9605 - População residente, por cor ou raça, nos Censos Demográficos

[3] «QS University Rankings: Latin America 2015». Top Universities.

[4] «Rua Barreto Leme homenageia o fundador de Campinas». EMDEC.

[5] «Pousada de tropeiro deu origem à vila de São Carlos». Folha de S.Paulo

[6] «Comissão Permanente para os Vestibulares». Unicamp.

[7] «Região é a 2ª no Estado de São Paulo em grandes empresas». Correio Popular.

[8] «Economy of Campinas». BusinessReel.

[1]

[2]

[3]

[4]

[5]

[6]

[7]

[8]