Жыве Беларусь (фільм)

	Жыве Беларусь;
	Żyvie Biełaruś
Жанр	драма
Рэжысэр	Кшыштаф Лукашэвіч
Сцэнарыст	Франак Вячорка, Кшыштаф Лукашэвіч
Прадусар	Уладзімер Нідэргаўз[d];
У ролях	Зьміцер «Vinsent» Папко,; Вадзім Афанасьеў,; Караліна Грушка,; Анатоль Кот,; Павал Крыксуноў,; Аляксандар Малчанаў,; Дзяніс Тарасенка
Кампазытар	Лявон Вольскі
Апэратар	Вітальд Сток
Мантаж	Кшыштаф Шпэтманскі
Вытворчасьць	WFDiF
Распаўсюд	Kino Świat[d]
Дата выхаду	2012 год
Працягласьць	98 хвілін
Краіна	Польшча
Мова	беларуская,; расейская
Бюджэт	6 млн PLN (~ 1,9 млн $)
	Старонка на IMDb

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Жыве Беларусь.

«Жыве́ Белару́сь» (па-польску: Żyvie Biełaruś, таксама па-ангельску: Viva Belarus!) — польскі мастацкі фільм, зьняты ў лістападзе — сьнежні 2011 году ў Польшчы. Прэм’ера фільму адбылася 22 траўня 2012 году на 62-м Канскім кінафэстывалі. Вытворчасьцю фільму займалася Польская дзяржаўная кінастудыя мастацкіх і дакумэнтальных фільмаў (WFDIF). У кінатэатрах Беларусі фільм не дэманстраваўся.

Сюжэт[рэдагаваць | рэдагаваць крыніцу]

Па словах стваральнікаў, фільм прысьвечаны рэальным зьявам у сучаснай Беларусі, а дакладней, палітычнаму рэжыму прэзыдэнта Аляксандра Лукашэнкі. Асновай для фільму стала гісторыя Франака Вячоркі.

Галоўны герой фільму — 23-гадовы беларускі рокер Мірон Захарка. На адным з канцэртаў гурт Мірона «ФорZа» выконвае кампазыцыю з палітычным падтэкстам, пасьля якога гурт правакуе натоўп на скандаваньне лёзунґу «Жыве Беларусь!». У выніку канцэрт разганяюць, калектыў трапляе ў сьпіс забароненых, а Мірона забіраюць у армію, нягледзячы на тое, што ён ня годны да службы з-за сардэчнай недастатковасьці. У арміі Мірон трывае жорсткую дзедаўшчыну, дыскрымінацыю і ґвалт, яго зьбіваюць. У сваім блозе хлопец ананімна вядзе дзёньнік, дзе і паведамляе пра гэтыя рэаліі беларускага войска. Мірон і жаўнеры, якія падтрымліваюць яго, дакучаюць камандаваньню часткі і прадстаўнікам дзяржаўнай улады. Мірон апынаецца ў цэнтры супрацьстаяньня зь дзейным палітычным рэжымам.

Вытворчасьць[рэдагаваць | рэдагаваць крыніцу]

Рэжысэрам стужкі выступіў — Кшыштаф Лукашэвіч (рэжысэр «Лінч», 2-і рэжысэр «Варшаўская бітва. 1920», асыстэнт рэжысэра «Агнём і мячом», Quo Vadis, аўтар сцэнару «Генэрал Ніл» і інш.). 2-і рэжысэр — Агнешка Кік і Франак Вячорка. Асыстэнты рэжысэра — Антон Цялежнікаў і Кася Барычка. Сцэнар быў напісаны Франакам Вячоркам і Кшыштафам Лукашэвічам.

У ролях: Караліна Грушка, Анатоль Кот, Зьміцер «Vinsent» Папко, Аляксандар Малчанаў, Раман Падаляка, Дзяніс Тарасенка, Аляксандар Памідораў, Павал Крыксуноў, Максім Каржыцкі, Павал Гарадніцкі, Вераніка Лапуцька і іншыя.

Перадпрэм’ерны паказ адбыўся на 65-м Канскім кінафэстывалі ў межах кінакірмашу 22 траўня 2012, а таксама на Бэрлінскім кінафэстывалі 9 лютага 2013 году. Прэм’ера адбылася 17 красавіка 2013 году.

Узнагароды[рэдагаваць | рэдагаваць крыніцу]

«Найлепшы сцэнар» на Брусэльскім кінафэстывалі (2013)^[1]. Намінант-фіналіст на грын-пры — Le Golden Iris Award і 10 тысячаў эўра на тым фэстывалі.
Перамога ў сэкцыі «Панарама» на 38-ы Міжнародны кінафэстывалі ў Гдыні (пераможцу ў гэтай сэкцыі вызначаюць гледачы праз галасаваньне)^[2].
Галоўны прыз «Залатыя шалі» на кінафэстывалі «Злачынства і пакараньне» ў Стамбуле ^[3]
«Найлепшы фільм» — Міжнародны кінафэстываль гістарычных і вайсковых фільмаў у Варшаве(2013)^[4]
«Найлепшы фільм» і «Прыз глядацкіх сымпатыяў»— Міжнародны кінафэстываль GAFFA ў Вене (2013)^[5]
Official Selection — Міжнародны кінафэстываль у Сэтубале FESTROIA, Партугалія (2013)
Official Selection — Міжнародны кінафэстываль у Празе FEBIOFEST, Чэхія (2013)

Глядзіце таксама[рэдагаваць | рэдагаваць крыніцу]

Жыве Беларусь!

Крыніцы[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]

[1] «Жыве Беларусь!» — узнагарода за «Найлепшы сцэнар» на Брусэльскім кінафэстывалі Радыё Свабода

[2] «Жыве Беларусь!» атрымаў перамогу на найбуйнейшым польскім кінафэстывалі Радыё Свабода, 14 верасьня 2013

[3] «Жыве Беларусь!» — гран-пры на кінафэстывалі ў Стамбуле Радыё Свабода, 19 верасьня 2013

[4] «Жыве Беларусь!» получил золотую саблю на фестивале в Варшаве.

[5] У Вене фільм «Жыве Беларусь!» рэклямуюць цытатамі Гётэ.

[1]

[2]

[3]

[4]

[5]