Дэрвенград

Дэрвенград
сэрб. Дрвенград
Drvengrad - Serbia 30.jpg
Дата заснаваньня:	2004
Краіна:	Сэрбія
Акруга:	Злаціборская
Грамада:	Ужыцкая
Часавы пас:	UTC+1
Геаграфічныя каардынаты:	43°47′44″ пн. ш. 19°30′29″ у. д.
Дэрвенград на мапе Сэрбіі Дэрвенград
Галерэя здымкаў у Вікісховішчы
http://www.mecavnik.info

Дэрвенград (па-сэрбску: Дрвенград, у перакладзе Драўляны град, dř̩ʋeŋɡrad), таксама вядомы як Кюстэндорф і Мечаўнік (mětɕaːʋniːk) — вёска ў Сэрбіі, знаходзіцца ў Злаціборскай акрузе ля Вужыцаў, за 200 км на паўднёвы захад ад сталіцы Сэрбіі Бялграду.

Мінуўшчына

Збудаваная ў 2000 року для фільму «Жыцьцё як цуд» кінарэжысэра Эміра Кустурыцы. Рэжысэр даў ёй назву Кюстэндорф (ням. Küstendorf) — ад сваёй мянушкі «Kusta» і нямецкага слова «dorf» — вёска. Сам заснавальнік таксама называў створанае паселішча Мечаўнік паводле назвы суседняе вёскі. Цяперашняя назва Дэрвенград адпавядае забудове вёскі, якая складаецца зь пяцідзесяці драўляных хатак.

Інфраструктура

Царква сьвятога Савы ў Дэрвенградзе

У вёсцы дзейнічаюць бібліятэка імя Іва Андрыча; мастацкая галерэя ў гонар скульптара Драгана Ёвічавіча; кінатэатар «Стэнлі Кубрык»; цэнтральны будынак з кінатэатрам, жылымі памяшканьнямі, садам, басэйнам, трэніравальнай заляй і саўнай; спортзаля; рэстаран; булачная; сувэнірная крама; праваслаўная царква сьвятога Савы.

Вуліцы вёскі названыя ў гонар упадабаных Кустурыцам асобаў: Ніколы Тэслы, Эрнэста Чэ Гевары, Марадоны, Міядрага Чкалі, Фэдэрыка Фэліні, Інгмара Бэргмана, Джо Страмэра, Новака Джокавіча, а галоўная вуліца — у гонар Іва Андрыча.

Глядзіце таксама

• Андрычград — ячшэ адно паселішча, якое ў дадзены момант будуе Эмір Кустурыца

Вонкавыя спасылкі

Дэрвенград — сховішча мультымэдыйных матэрыялаў

• Афіцыйная бачына
• Кіна- і музычны фэстываль Кюстэндорф