Дзяржаўны доўг

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку

Дзяржа́ўны доўг — сума запазычанасьці дзяржавы па пазыках і нявыплачаных па іх адсотках.

Узьнікае пры патрэбе пакрыцьця нястачы ў дзяржаўным бюджэце. З улікам разьмяшчэньня падзяляецца на ўнутраны і вонкавы. Унутраны доўг ствараецца на аблігацыях дзяржаўнай пазыкі, гарантыях дзяржавы пад каштоўныя паперы акцыянэрных таварыстваў, пазыках дзяржаве ад банкаў і нявыплачаным пакрыцьці фізычным і юрыдычным асобам. Вонкавы доўг узьнікае па ўзятых дзяржавай замежных пазыках, гарантыях дзяржавы пад атрыманыя айчыннымі ўстановамі за мяжой пазыкі і запазычанасьцях бюджэтных установаў у вонкавагандлёвай дзейнасьці[1].

На студзень 2014 году памер дзяржаўнага доўгу перавышаў памер сукупнага ўнутранага прадукту такіх разьвітых краінаў, як ЗША, Грэцыя, Ірляндыя, Італія і Партугалія[2].

Беларусь[рэдагаваць | рэдагаваць крыніцу]

Паводле 57-га артыкула Бюджэтнага кодэксу Беларусі 2008 году, «Рэспубліка Беларусь нясе безумоўныя абавязкі па абслугоўваньні і пагашэньні дзяржаўнага доўгу Рэспублікі Беларусь. Дзяржаўны доўг Рэспублікі Беларусь поўнасьцю забясьпечваецца сродкамі рэспубліканскага бюджэту і іншай маёмасьцю, якая знаходзіцца ў рэспубліканскай уласнасьці». Пры гэтым, «выплаты па абслугоўваньні і пагашэньні дзяржаўнага доўгу Рэспублікі Беларусь ёсьць першачарговымі ў адносінах да іншых выплатаў пры выкананьні рэспубліканскага бюджэту»[3]. На студзень 2014 году замежны дзяржаўны доўг Беларусі налічваў звыш 12 млрд даляраў ЗША, што складала 19 % сукупнага ўнутранага прадукту краіны[2].

Дзяржаўны доўг Беларусі на пачатак году
Год Сума, млрд рублёў[4] % да СУП
2021 Green Arrow Up Darker.svg57,775 Green Arrow Up Darker.svg37,3
2020 Red Arrow Down.svg44,790 Red Arrow Down.svg33
2019 Green Arrow Up Darker.svg45,375 Red Arrow Down.svg35,1
2018 Green Arrow Up Darker.svg42,172 Red Arrow Down.svg39,1
2017 Green Arrow Up Darker.svg36,958 Green Arrow Up Darker.svg39,2
2016 Green Arrow Up Darker.svg32,855* Green Arrow Up Darker.svg31,4
2015 Green Arrow Up Darker.svg19,745 Red Arrow Down.svg21,5
2014 15,400 21,6
*З улікам дэнамінаваньня беларускага рубля
ў ліпені 2016 году 10 000 : 1.

Крыніцы[рэдагаваць | рэдагаваць крыніцу]

  1. ^ Дзяржаўны доўг // Беларуская энцыкляпэдыя ў 18 тамах / гал.рэд. Генадзь Пашкоў. — Менск: Беларуская энцыкляпэдыя імя Петруся Броўкі, 1998. — Т. 6. — С. 152. — 576 с. — 10 000 ас. — ISBN 985-11-0106-0
  2. ^ а б Сяргей Куркач. «Немагчыма сёньня жыць і не разьвівацца» // Зьвязда : газэта. — 22 студзеня 2014. — № 11 (27621). — С. 1, 2. — ISSN 1990-763x.
  3. ^ А. Лукашэнка. Бюжэтны кодэкс Рэспублікі Беларусь ад 16 ліпеня 2008 г. № 412-З // Лябараторыя распазнаваньня і сынтэзу маўленьня АІПІ, 9 чэрвеня 2020 г. Праверана 9 лістапада 2021 г.
  4. ^ Архіў стану дзяржаўнага доўгу(рас.) // Міністэрства фінансаў Беларусі, 2021 г. Праверана 9 лістапада 2021 г.

Вонкавыя спасылкі[рэдагаваць | рэдагаваць крыніцу]