Дзьмітры Падстрэлаў
| Дзьмітры Падстрэлаў | ||
| Пэрсанальная інфармацыя | ||
|---|---|---|
| Нарадзіўся | 6 верасьня 1998[1][2] (27 гадоў) | |
| Рост | 175 см | |
| Вага | 70 кг[4] | |
| Пазыцыя | нападнік, паўабаронца | |
| Клюбная інфармацыя | ||
| Клюб | Дынама Менск | |
| Нумар | 19 | |
| Клюбы | ||
| Гады | Клюб | Гульні (галы)¹ |
| 2015—2018 | Дняпро Магілёў | 39 (3) |
| 2019 | Дняпро Магілёў[d] | 24 (4) |
| 2020—2022 | Шахцёр Салігорск | 84 (13) |
| 2023 | Касьпі | 13 (2) |
| 2023 | БАТЭ | 11 (3) |
| 2024 | Дынама Менск | 26 (4) |
| 2025 | Партызані Тырана | 17 (1) |
| 2025— | Дынама Менск | |
| Зборныя | ||
| 2017 | Беларусь (да 19)[d] | 2 (0) |
| 2018—2019 | Беларусь (да 21) | 8 (1) |
| 2020—2022 | Беларусь | 14 (1) |
Дзьмі́тры Падстрэ́лаў (нар. 6 верасьня 1998 году) — беларускі футбаліст, паўабаронца менскага «Дынама».
Кар’ера
[рэдагаваць | рэдагаваць крыніцу]Клюбная
[рэдагаваць | рэдагаваць крыніцу]З 2014 году пачаў выступаць за дубль магілёўскага «Дняпра». Паводле вынікаў сэзону 2014 году «Дняпро» вылецеў у Першую лігу, і Дзьмітры стаў прыцягвацца да асноўнага складу, у асноўным выходзячы на замену. У сьнежні 2016 году падоўжыў кантракт з магіляўчанамі да сканчэньня сезону 2018 году[5]. У сэзоне 2017 году выступаў у асноўным за дубль магіляўчанаў. 3 лістапада 2017 году дэбютаваў у Найвышэйшай лізе, выйшаўшы на замену ў другім тайме матчу супраць мазырскай «Славіяй» (5:3) і пасьпеў адзначыцца галявой перадачай. Сэзон 2018 году пачынаў у дублі, а зь лета пачаў прыцягвацца да асноўнай каманды, у кастрычніку замацаваўся ў стартавым складзе.
У сакавіку 2019 году далучыўся да аб’яднанай каманды «Промню» і «Дняпра», якая выступала пад назвай «Дняпро»[6]. Гулец хутка замацаваўся ў першай адзінаццатцы ў якасьці аднаго з асноўных нападнікаў. У сьнежні 2019 году, пасьля таго як «Дняпро» страціў месца ў Найвышэйшай лізе, перайшоў у салігорскі «Шахцёр», склаўшы трохгадовы кантракт[7]. Замацаваўся ў асноўным складзе гарнякоў, у сэзоне 2020 году згуляўшы ўсе 30 матчаў у чэмпіянаце Беларусі, пераважна ў стартавым складзе, і дапамог камандзе стаць чэмпіёнам краіны. У 2021—2022 гадах заставаўся гульцом асноўнага складу. Здабыў з салігорцамі яшчэ два чэмпіёнскія тытулы, але апошні зь іх быў ануляваны праз дамоўленыя матчы.
У лютым 2023 году перайшоў у казаскі «Касьпі»[8]. У ліпені 2023 году паводле пагадненьня бакоў пакінуў клюб[9] і хутка склаў угоду з барысаўскім БАТЭ[10]. У сьнежні 2023 году зышоў з барысаўскага клюбу[11] і ўжо ў наступным месяцы далучыўся да менскага «Дынама»[12]. 4 студзеня 2025 году паўабаронца стаў гульцом альбанскага «Партызані», падпісаўшы кантракт на паўтары гады[13][14]. Ужо праз паўгады футбаліст вярнуўся на радзіму, узмоцніўшы шыхты сталічнага «Дынама»[15].
Міжнародная
[рэдагаваць | рэдагаваць крыніцу]У сакавіку 2017 году выступаў за зборную Беларусі (да 19 гадоў) у элітным раўндзе чэмпіянату Эўропы ў Ангельшчыне. 14 лістапада 2018 году дэбютаваў у зборнай Беларусі (да 21 году), зьявіўшыся на зьмену ў другім тайме таварыскага матчу супраць зборнай Харватыі (1:3). У далейшым быў адным з асноўных нападнікаў моладзевай зборнай.
23 лютага 2020 году дэбютаваў за нацыянальную зборную Беларусі ў таварыскім матчы супраць зборнай Узбэкістану (1:0), выйшаўшы на замену ў канцы сустрэчы. У наступным матчы, 26 лютага 2020 году супраць зборнай Баўгарыі (1:0), адзначыўся дэбютным голам у кашулі нацыянальнае каманды.
Дасягненьні
[рэдагаваць | рэдагаваць крыніцу]«Шахцёр»:
- Чэмпіён Беларусі: 2020, 2021, 2022
- Уладальнік Супэркубка Беларусі: 2021
- У сьпісе 22 найлепшых футбалістаў чэмпіянату Беларусі: 2020
Статыстыка
[рэдагаваць | рэдагаваць крыніцу]| Клюб | Сэзон | Чэмпіянат | ||
|---|---|---|---|---|
| Дывізіён | Матчы | Галы | ||
| Дняпро Магілёў | 2017 | Найвышэйшая ліга | 1 | 0 |
| 2018 | Найвышэйшая ліга | 10 | 1 | |
Крыніцы
[рэдагаваць | рэдагаваць крыніцу]- ^ а б в Dmitri Podstrelov // Transfermarkt (мн.) — 2000.
- ^ а б в Dzmitry Padstrelaw // FBref (анг.)
- ^ а б https://www.fcshakhter.by/player.asp?id=Dmitrij-Podstrelov-211&season=2020MEN
- ^ а б https://www.pressball.by/footballstat/dmitri_podstrelov/
- ^ Левицкий, Рыбаков и еще три футболиста продлили контракты с могилевским «Днепром»
- ^ Четыре игрока «Днепра» будут выступать в объединенной команде (рас.)
- ^ Подстрелов из "Дняпро" перешел в "Шахтер"
- ^ "Каспий" подтвердил переход Подстрелова (рас.) Праверана 2023-02-02 г.
- ^ Подстрелов покинул "Каспий" и может перейти в БАТЭ (рас.) Праверана 2023-07-10 г.
- ^ Подстрелов подписал контракт с БАТЭ (рас.) Праверана 2023-07-10 г.
- ^ БАТЭ объявил об уходе пятерых игроков (рас.)
- ^ Дмитрий Подстрелов стал новобранцем минского "Динамо" (рас.)
- ^ Welcome Dzmitry Padstrelau BY (альб.) FK Partizani in Instagram
- ^ Дмитрий Подстрелов перешел в "Партизани" (рас.) Football.by
- ^ Дмитрий Подстрелов вернулся в минское "Динамо" (рас.). Football.by (2025-07-04). Праверана 2025-07-06 г.
Вонкавыя спасылкі
[рэдагаваць | рэдагаваць крыніцу]- Статыстыка «ПБ-Инфо» (рас.)
- Профіль (анг.) на Transfermarkt
- Профіль (анг.) на Soccerway
- Профіль (анг.) на Worldfootball
- Нарадзіліся 6 верасьня
- Нарадзіліся ў 1998 годзе
- Нарадзіліся ў Магілёве
- Футбалісты клюбу «Дынама» Менск
- Футбалісты клюбу «Дняпро» Магілёў
- Футбалісты клюбу «Шахцёр» Салігорск
- Футбалісты клюбу «Касьпі» Актаў
- Футбалісты клюбу БАТЭ Барысаў
- Футбалісты моладзевай зборнай Беларусі
- Футбалісты зборнай Беларусі
- Беларускія футбалісты