Перайсьці да зьместу

Джэйсан Тэйтум

Зьвесткі зь Вікіпэдыі — вольнай энцыкляпэдыі
Джэйсан Тэйтум
Пазыцыя: лёгкі форвард
Рост: 2,03 м
Вага: 93 кг
Грамадзянства:
Нарадзіўся: 3 сакавіка 1998(1998-03-03) (27 гадоў)
Альма-матэр:
Драфт

3, драфт НБА 2017 году
Бостан Сэлтыкс[2]

Клюбная інфармацыя
Клюб Бостан Сэлтыкс
Клюбы
Гады Клюб
2016—2017 Д’юк Блю Дэвілз[d]
2017—4 Бостан Сэлтыкс
Статыстыка на NBA.com

Джэ́йсан Тэ́йтум (па-ангельску: Jayson Tatum; 3 сакавіка 1998 году, Сэнт-Луіс, ЗША) — амэрыканскі прафэсійны баскетбаліст, які выступае за «Бостан Сэлтыкс» у НБА. Тэйтум ёсьць пяціразовым удзельнікам Матчу ўсіх зорак НБА. У 2024 годзе ён прывёў каманду да 64 перамог у лізе і чэмпіёнства НБА. Тэйтум таксама мае залатыя мэдалі, якія здабыў з нацыянальнай зборнай ЗША на летніх Алімпійскіх гульнях 2020 году і 2024 году.

Кар’ера

[рэдагаваць | рэдагаваць крыніцу]

Тэйтум навучаўся ў падрыхтоўчай школе Чэмінэйд у штаце Мізуры. Тэйтум гуляў у адной камандзе з Тайлерам Кукам і наведваў заняткі па фізычнай культуры поруч з Мэт’ю Ткачакам. Тэйтум хацеў гуляць пад кіраўніцтвам свайго бацькі, галоўнага трэнэра па баскетболе ў суседняй сярэдняй школе, але ягоная маці аддала перавагу Чэмінэйду[3][4]. Перад апошняй клясай маладзён даў вуснае абавязацельства перад Унівэрсытэтам Д’юка, адхіліўшы прапановы Паўночнакаралінскага ўнівэрсытэту ў Чапэл-Гіл, а таксама Кентукійскага і Сэнтлуіскага ўнівэрсытэтаў[5][6].

У 2017 годзе на драфце НБА гулец быў абраны пад трэцім нумарам. У сваім пачатковым матчы ў НБА 17 кастрычніка 2017 году Тэйтум адразу аформіў дабл-дабл з 14-ю пунктамі і 10-ю падборамі ў якасьці стартавага форварда каманды падчас прагулянага матчу супраць «Кліўлэнд Кавальерз» (102:99)[7]. 24 кастрычніка нападнік усталяваў рэкорд сэзону ў абаістыя 24 пункты ў пераможным матчу супраць «Нью-Ёрк Нікс», які скончыўся зь лікам 110:89[8]. У сьнежня таго ж году Тэйтум быў абраны навічком месяцу Усходняй канфэрэнцыі[9]. Гулец хутка замацаваўся ў складзе.

Тэйтум з чэмпіёнскім трафэем НБА.

22 сьнежня 2019 году спартовец набраў рэкордныя за кар’еру 39 пунктаў і 12 падбораў у пераможным матчы над «Шарлот Горнэтс», які скончыўся зь лікам 119:93. 11 студзеня 2020 году гулец перасягнуў гэты паказьнік, набраўшы 41 пункт у матчы супраць «Нью-Арлеан Пэліканз», чым забясьпечыў перамогу каманды зь лікам 140:105. 30 студзеня Тэйтум упершыню ў сваёй кар’еры стаў удзельнікам матчу ўсіх зорак НБА, будучы абраным у якасьці рэзэрвіста Ўсходняй канфэрэнцыі[10]. 31 сакавіка 2023 году ў матчы супраць «Мілўокі Бакс» гулец пераўзвысіў рэкорд Пола Пірса паводле колькасьці матчаў за «Сэлтыкс» з 40 і болей набранымі пунктамі. У сэзоне 2022—2023 гадоў амэрыканец стаў першым гульцом у гісторыі каманды, які стала набіраў у матчах у сярэднім 30 і больш пунктаў.

У 2024 годзе згуляў адну з ключавых роляў у здабыцьці тытулу чэмпіёнаў НБА. Гэтак у другой гульні фіналу НБА 2024 году супраць «Далас Мавэрыкс» 9 чэрвеня Тэйтум амаль аформіў трыпл-дабл з 18 пунктамі, 12 перадачамі і дзевяцьцю падборамі, дзякуючы чаму бостанцы атрымалі перамогу зь лікам 105:98[11]. Праз тры дні ў трэцім матчы сэрыі ён набраў 31 пункт, зрабіў шэсьць падбораў і пяць перадач у пераможным матчы зь лікам 106:99. 1 ліпеня 2024 году гулец узгодніў пяцігадовы кантракт на суму да 314 мільёнаў даляраў, перасягнуўшы суму свайго суперзоркавага партнэра па камандзе Джэйлена Браўна на 304 мільёны даляраў, стаўшы найдаражэйшым гульцом у гісторыі НБА[12]. 21 сьнежня Тэйтум набраў рэкордныя за сэзон 43 пункты, а таксама зрабіў 15 падбораў і 10 перадач у пераможным матчы супраць «Чыкага Булз».

Крыніцы

[рэдагаваць | рэдагаваць крыніцу]
  1. ^ а б College Basketball at Sports-Reference.com
  2. ^ а б Basketball Reference (анг.)
  3. ^ It’s not hype if you can do it, and Chaminade’s Jayson Tatum can». FOX Sports.
  4. ^ Hochman, Benjamin (19.11.2015). «Hochman: Like godfather, like godson — Jayson Tatum is on track for NBA». STLtoday.
  5. ^ Biancardi, Paul (12.07.2015). «Jayson Tatum commits to Duke». ESPN.
  6. ^ Keeley, Laura (12.07.2015). «Five-star forward Jayson Tatum commits to Duke». The Charlotte Observer.
  7. ^ «Hayward breaks ankle, Cavs hold off Celtics 102-99 in opener». ESPN.
  8. ^ «Tatum, Brown lead rested Celtics past Knicks 110-89». ESPN.
  9. ^ Snow, Taylor (4.01.2018). «Tatum Named Rookie of the Month for December». NBA.
  10. ^ «Oklahoma City’s Paul and Houston’s Westbrook headline reserves for 2020 NBA All-Star Game». NBA.
  11. ^ «Celtics beat Mavericks 105-98, take 2-0 lead in NBA Finals as series heads to Dallas». ESPN.
  12. ^ «Sources: Celtics’ Jayson Tatum agrees to 5-year, $314M deal». ESPN.

Вонкавыя спасылкі

[рэдагаваць | рэдагаваць крыніцу]
Атрымана з «https://be-tarask.wikipedia.org/w/index.php?title=Джэйсан_Тэйтум&oldid=2605564»