Вінэгрэт

Вінэгрэ́т (па-француску: vinaigrette ад vinaigre — «воцат») — у францускай і інтэрнацыянальнай кухні соўс, які ўжываецца як запраўка салатаў; часам так называюць і халодныя закускі з такой запраўкай.

Соўс

Клясычны соўс «вінэгрэт», які атрымаў міжнароднае прызнаньне на пачатку XIX стагодзьдзя, гатуецца з алею (3 часткі), віннага воцату (1 частка) з дадаткам солі і сьвежазмолатага перцу, якія старанна перамешваюць і зьбіваюць да згушчэньня. Часта соўс «вінэгрэт» дадаткова араматызуецца эстрагонам, пятрушкай, часнаком і інш. Заміж воцату можна ўжываць лімонны сок.

Халодная закуска

У Беларусі распаўсюджаная халодная закуска з такой назвай, вынайдзеная ў расейскай кухні. У яе склад уваходзіць дробна пасечаныя вараныя буракі (абавязковы кампанэнт) і іншая садавіна (морква, бульба), а таксама запраўка (маянэз, сьмятана, алей). Клясычны расейскі вінэгрэт уключае пакрышанае крутое яйка і крыху дробна нарэзанага селядца. Гатуецца непасрэдна перад спажываньнем, бо хутка губляе смак.

Літаратура

Артыкул створаны з дапамогай матэрыялаў з: Алесь Белы, праект «Наша ежа»