Ветрана́я во́спа, таксама вятра́нка — запаленьне дыхальных шляхоў і скуры праз заражэньне фільтроўным вірусамвятранкі(en), што перадаецца ад хворага найчасьцей праз кашаль. Інкубацыйны адцінак складае 13—17 дзён. Суправаджаецца ліхаманкай, пухірковым высыпам на скуры і зьяўленьнем расколінаў (язвачак) у поласьці рота і глоткі. У перахварэлых выпрацоўваецца стойкі імунітэт[3]. Ад хваробы пераважна церпяць дзеці, асабліва ва ўзросьце 2—6 гадоў у сувязі з наведваньнем дзіцячага садка. Прадухіляецца пры дапамозе адпаведнай вакцыны[4]. Ускладненьне ў выглядзе запаленьня лёгкіх і мозгу найчасьцей выклікае ў дарослых, чым нясе сьмяротную пагрозу[5].
