Вадзім Дземідовіч

**Вадзім Дземідовіч**
	Вадзім Дземідовіч
Пэрсанальная інфармацыя
Нарадзіўся	20 верасьня 1985 (40 гадоў); Берасьце, БССР, СССР;
Рост	183 см
Вага	74 кг
Пазыцыя	нападнік
Клюбы

Вадзім Дземідовіч (нар. 20 верасьня 1985 году, Берасьце, БССР) — колішні беларускі футбаліст, нападнік. На сёньня ёсьць трэнэрам. Ягоны родны брат Аляксандар таксама быў футбалістам.

Кар’ера

Пачаў кар’еру ў берасьцейскім клюбе «Дынама». У 2010—2011 гадох выступаў за клюб «Нёман», дзе выконваў функцыі нападніка. У пачатку 2012 году перайшоў у склад клюбу «Гомель». У жніўні 2012 году кантракт з «Гомлем» быў ануляваны^[2], а Дземідовіч перайшоў у жодзінскі клюб «Тарпэда-БелАЗ»^[3]. Праз траўму згуляў толькі пяць 5 матчаў і пакінуў каманду ўжо ў лістападзе^[4].

У студзені 2013 году падпісаў кантракт зь «Белшынай»^[5]. У «Белшыне» спачатку звычайна выходзіў на замену, а ў ліпені стаў гульцом стартавага складу. Тады ж найлепш праявіў сябе, забіўшы 4 галы ў трох матчах запар. Пазьней зноў страціў месца ў асноўным складзе. У студзені 2014 году перайшоў у наваполацкі «Нафтан»^[6]. Неўзабаве замацаваўся ў асноўным складзе наваполацкага клюбу на пазыцыі цэнтральнага нападніка. З 9 галамі стаў найлепшым бамбардзірам навапалачанаў у сэзоне 2014 году. У лютым 2015 на год падоўжыў кантракт з «Нафтанам»^[7]. У першай палове сэзону 2015 году ўлучыў 4 галы ў 13 матчах, што зноў стала найлепшым паказьнікам у камандзе на зададзеным этапе.

У ліпені 2015 году падпісаў кантракт з жодзінскім «Тарпэда-БелАЗ»^[8]. У складзе «Тарпэда» таксама здолеў замацавацца ў якасьці асноўнага нападніка, у 11 матчах другой паловы чэмпіянату забіў 5 галоў. У студзені 2016 году падоўжыў кантракт з «Тарпэда-БелАЗ»^[9]. Выдатна правёў сэзон 2016 году, у якім з 12 галамі стаў найлепшым бамбардзірам у камандзе і адным з найлепшых у чэмпіянаце. У студзені 2017 году перайшоў у менскае «Дынама»^[10], але ў сталічным клюбе ня даў рады, звычайна выходзячы толькі з замены. У жніўні 2017 году перайшоў у клюб «Менск»^[11]. Спачатку выступаў у асноўным складзе «мяшчанаў», аднак з кастрычніка пачаў гуляць за дубль. У лістападзе 2017 году па заканчэньні кантракту пакінуў «Менск»^[12].

У сакавіку 2018 году падпісаў кантракт зь менскім «Тарпэда»^[13], якое пакінуў у чэрвені 2018 году^[14]. У жніўні 2018 году падпісаў кантракт з магілёўскім «Дняпром»^[15]. Трывала гуляў у асноўным складзе магіляўчанаў, але не забіў аніводнага голу і ня здолеў выратаваць каманду ад вылету ў Першую лігу. У сьнежні 2018 году пакінуў магілёўскі клюб^[16].

У лютым 2019 году перайшоў у берасьцейскі «Рух»^[17]. З 12 галамі стаў найлепшым бамбардзірам каманды ў сэзоне і дапамог ёй прабіцца ў Найвышэйшую лігу. У пачатку 2020 году завяршыў прафэсійную кар’еру і перайшоў на трэнэрскую працу ў дубль «Руха»^[18]. Заставаўся ў клюбе да пачатку 2022 году, калі ён зьняўся з спаборніцтваў. У 2021 годзе ў якасьці аматара выступаў за «Берасьцежылбуд» у Другой лізе.

Дасягненьні

Уладальнік Кубка Беларусі: 2016
У сьпісе 22 найлепшых футбалістаў чэмпіянату Беларусі: 2016

Статыстыка

Клюб	Сэзон	Чэмпіянат
Клюб	Сэзон	Дывізіён	Матчы	Галы
Нафтан	2015	Найвышэйшая ліга	13	4
Тарпэда-БелАЗ	2015	Найвышэйшая ліга	11	5
Тарпэда-БелАЗ	2016	Найвышэйшая ліга	30	12
Дынама Менск	2017	Найвышэйшая ліга	7	0
Менск	2017	Найвышэйшая ліга	8	0
Тарпэда Менск	2018	Найвышэйшая ліга	11	2
Дняпро	2018	Найвышэйшая ліга	11	0

Крыніцы

Вонкавыя спасылкі

Профіль на афіцыйным сайце ФК «Гомель» (рас.)
Статыстыка «ПБ-Инфо» (рас.)

[_f2a934bf884ec022-1] Vadim Demidovich // Transfermarkt (мн.) — 2000.

[2] «Гомель» расстался с Левицким и Демидовичем (рас.)

[3] Вадим Демидович и Евгений Лошанков стали игроками «Торпедо-БелАЗ»(недаступная спасылка) (рас.)

[4] Вадим Демидович покинул «Торпедо-БелАЗ» (рас.)

[5] Игорь Воронков, Дмитрий Климович, Вадим Демидович и Максим Карпович заключили контракты с «Белшиной» (рас.)

[6] Вадим Демидович заключил контракт с «Нафтаном» (рас.)

[7] Гунчак, Зюлев, Сучков, Хотов, Шкабара и Демидович продлили соглашения с "Нафтаном"

[8] Вадим Демидович заключил контракт с «Торпедо-БелАЗ» (рас.)

[9] Алексей Белевич стал игроком "Торпедо-БелАЗ", Демидович остался в Жодино

[10] Минское «Динамо» объявило о подписании Демидовича (рас.)

[11] Вадим Демидович перешел в «Минск» (рас.)

[12] Вадим Демидович ушел из "Минска"

[13] Вадим Демидович стал игроком минского «Торпедо» (рас.)

[14] Демидович покидает минское «Торпедо» (рас.)

[15] Демидович стал игроком «Днепра» (рас.)

[16] 11 футболистов покинули "Днепр"

[17] Вадим Демидович подписал контракт с «Рухом» (рас.)

[18] «Будем заниматься развитием молодых футболистов»: спортивный директор «Руха» Сергей Присяжнюк ответил на вопросы «БГ»

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

[16]

[17]

[18]

Пэрсанальная інфармацыя
Вадзім Дземідовіч
Нарадзіўся	20 верасьня 1985(1985-09-20)^[1] (40 гадоў) Берасьце, БССР, СССР
Рост	183 см
Вага	74 кг
Пазыцыя	нападнік
Клюбы
Гады	Клюб	Гульні (галы)¹
2003—2009	Дынама Берасьце	62 (4)
2010—2011	Нёман Горадня	60 (10)
2012	Гомель	13 (2)
2012	Тарпэда-БелАЗ	5 (0)
2013	Белшына	22 (6)
2014—2015	Нафтан	44 (13)
2015—2016	Тарпэда-БелАЗ	41 (17)
2017	Дынама Менск	7 (0)
2017	Менск	8 (0)
2018	Тарпэда Менск	11 (2)
2018	Дняпро Магілёў	11 (0)
2019	Рух Берасьце	29 (12)
2021	Берасьцежылбуд^[d]	13 (8)