Бэла Бугар

Бэла Бугар
	Бэла Бугар
Сьпікер Народнай рады Славаччыны (в.а.)
	7 лютага 2006 — 4 ліпеня 2006
Папярэднік	Павал Грушаўскі
Наступнік	Павал Пашка
Старшыня Партыі вугорскай кааліцыі
	1998 — 2007
Папярэднік	пасада заснаваная
Наступнік	Пал Чакі
Асабістыя зьвесткі
Нарадзіўся	7 ліпеня 1958 (68 гадоў); Браціслава, Чэхаславаччына
Партыя	Партыя вугорскай кааліцыі, Most — Híd
Адукацыя	Славацкі тэхнічны ўнівэрсытэт у Браціславе[d];
Узнагароды

Бэла Бугар (па-славацку: Béla Bugár; 7 ліпеня, 1958, Браціслава, Чэхаславаччына) — славацкі палітык вугорскага паходжаньня, выбітны палітычны дзяяч вугорскай меншасьці ў Славаччыне. Былы старшыня Партыі вугорскай кааліцыі (1998—2007) і Народнай рады Славаччыны (2006). Заснавальнік партыі Most — Híd.

Біяграфія

У 1982 скончыў інжынэрны факультэт Славацкага тэхнічнага ўнівэрсытэту ў Браціславе, пасьля працаваў інжынэрам у горадзе (1982—1990).

У 1990 заангажаваўся ў палітычную дзейнасьць, стаўшы чальцом Вугорскага хрысьціянска-дэмакратычнага руху (славац. Maďarské kresťanskodemokratické hnutie, MKDH). У 1991—1998 быў старшынём гэтае партыі. У 1998 Бугар стаў адным з ініцыятараў стварэньня Партыі вугорскай кааліцыі — аб’ядананай партыі, якая прадстаўляла інтарэсы вугорскай меншасьці ў Славаччыне. Сёлета быў абраны старшынём партыі і заставаўся на гэтым посьце да 2007 году, калі новым лідэрам Партыі вугорскай кааліцыі быў абраны Пал Чакі, які крытыкаваў Бугара за ўмераны курс партыі.

У 2009 годзе Бугар заснаваў новую партыю Мост (Most — Híd), больш умераную за Партыю вугорскай кааліцыі, і ў большай ступені арыентаваную на супрацоўніцтва паміж вугорцамі і славакамі. На парлямэнцкіх выбарах 12 чэрвеня 2010 году Партыя вугорскай кааліцыі ўпершыню ня здолела пераадолець пяціпрацэнтны бар’ер, у той час як «Мост» набраў 205 538 (8,12%) галасоў і атрымаў 14 дэпутацкіх мандата.

Вонкавыя спасылкі

Біяграфічная нататка на старонцы Most–Híd (славацк.)