Бой у Мараварскай цясьніне
Бой у Мараварскай цясьніне | |||||||||||
|---|---|---|---|---|---|---|---|---|---|---|---|
| |||||||||||
Супернікі | |||||||||||
| Ісламскі саюз змагароў Аўганістану | Узброеныя сілы СССР | ||||||||||
Камандуючыя | |||||||||||
| Джалалудзін Хакані | Мікалай Цэбрук | ||||||||||
Колькасьць | |||||||||||
| 400 | 60 | ||||||||||
Страты | |||||||||||
| невядома | 29 забітых | ||||||||||
Бой у Марава́рскай цясьні́не — аўганска-савецкі бой, які адбыўся 21 красавіка 1985 году ў аўганскай правінцыі Кунар.
Перадумовы
[рэдагаваць | рэдагаваць крыніцу]У сакавіку 1985 году 5-я брыгада спэцпрызначэньня накіравала свой 334-ы атрад на Аўганска-савецкую вайну з Мар'інай Горкі (Беларуская ССР). Па прыбыцьці атрад перайменавалі ў 5-ы асобны мотастралковы батальён і разьмясьцілі ў Асадабадзе каля мяжы з Пакістанам. 19 красавіка 1985 году камандзір батальёну Віктар Цярэнцьеў выведаў пра назіральны пост Ісламскага саюзу змагароў Аўганістану ў пасёлку Сангам за 3 км ад свайго разьмяшчэньня. 20 красавіка маёр Цярэнцьеў накіраваў у пасёлак 1-ю роту капітана Мікалая Цэбрука[1].
Засада
[рэдагаваць | рэдагаваць крыніцу]У ноч на 21 красавіка 1985 году 1-я рота 5-га мотастралковага батальёну безвынікова прачасала пасёлак Сангам у Мараварскай цясьніне і рушыла далей углыб цясьніны да вёскі Дарыдам. Там рота разьбілася на 4 групы, якія перасьледвалі паставых аўганскіх паўстанцаў. Пры ўцёках паўстанцы адсеклі і абкружылі 2 групы — лейтэнанта Мікалая Кузьняцова і Аляксандра Каценкі. У абодвух групах хутка скончыліся боепрыпасы. Кузьняцоў і 7 жаўнераў падарвалі сябе гранатамі, каб пазьбегнуць палону. Сярод 29 забітых савецкіх вайскоўцаў апынуўся і камандзір 1-й роты Мікалай Цэбрук, які быў застрэлены ў шыю пры набліжэньні да вёскі Дарыдам[1].
Крыніцы
[рэдагаваць | рэдагаваць крыніцу]- ^ а б Вікенцій Ключнік. Тут пачынаўся спэцназ // Плацдарм. — 5 сьнежня 2013. — № 21 (29).
| Гэта — накід артыкула. Вы можаце дапамагчы Вікіпэдыі, пашырыўшы яго. |