Бабровіцкае возера

Возера Бабровіцкае Панарама Бабровіцкага Возера Бабровіцкае з боку вёскі Краіна Беларусь Плошча 9,47 км² Плошча вадазбору 69,7 км² Максымальная глыбіня 8,0 м Сярэдняя глыбіня 2,5 м Найбольшая даўжыня 4,9 км Найбольшая шырыня 3,3 км Даўжыня берагавой лініі 14,4 км Вышыня над узроўнем мора 149 м Аб’ём вады 0,025 км³ Каардынаты 52°37′49″ пн. ш. 25°46′55″ у. д. Бабровіцкае на мапе Беларусі Бабровіцкае

Галерэя здымкаў у Вікісховішчы

Бабро́віцкае — возера ў Івацэвіцкім раёне Берасьцейскай вобласьці. Каля возера знаходзіцца вёска Бабровічы, горад Івацэвічы разьмешчаны за 30 км.

Належыць да басэйну ракі Грыўды. Плошча возера — 9,47 км², даўжыня берагавой лініі — 14,4 км, максымальная глыбіня — 8,0 м, сярэдняя — 2,5 м. Асноўную плошчу займаюць глыбіні 02/04 м. Берагі нізкія, тарфяныя, парослыя хмызьняком. Тэрыторыя вадазбору — плоская нізіна, напалову пакрыта лясамі і хмызьнякамі, напалову балотамі і забалочанай тэрыторыяй. Канал Дзявяты злучае возера з ракой Грыўдай.

Возера багата рыбай (карасі, карпы, таўсталобік, лешч, шчупак, плотка, акунь). У 1970-я гады ў возера засялялі сярэбраных карасёў, белых карпаў, белых амураў і таўсталобікаў. Фітаплянктон прадстаўлены 89 відамі водарасьцяў (у асноўным зялёныя і сіне-зялёныя). Возера моцна зарастае.

Разам з Выганашчанскім возерам і навакольнай тэрыторыяй Бабровіцкае возера ўваходзіць у заказнік «Выганашчанскае» плошчай 43 тыс. га.

Літаратура

• Блакітная кніга Беларусі: энцыкл / Рэдкал.: Н. А. Дзісько, М. М. Курловіч, Я. В. Малашэвіч і інш.; Маст. В. Г. Загародні. — Мн.: БелЭн, 1994. — 415 с. — ISBN 5-85700-133-1 С. 49