Аўд-Гэвэрлі Лёвэн

Аўд-Гэвэрлі Лёвэн
Поўная назва	Oud-Heverlee Leuven
Заснаваны	2002
Горад	Лёвэн, Бэльгія
Стадыён	Дэн Дрээф(en) Умяшчальнасьць: 9493
Кіраўнік	King Power[d]
Галоўны трэнэр	Оскар Гарсія Хуньент[d]
Чэмпіянат	Про Ліга
· 2023—2024	10 месца
Галерэя здымкаў у Вікісховішчы ohleuven.com

«Аўд-Гэвэрлі» (па-нідэрляндзку: Oud-Heverlee) — бэльгійскі футбольны клюб з гораду Лёвэну (правінцыя Флямандзкі Брабант). Заснаваны ў 2002 годзе.

Гісторыя

«Аўд-Гэвэрлі» быў заснаваны ў 1957 годзе. Да 1996 году каманда гуляла ў правінцыйных лігах, а ў сэзоне 1999—2000 гадоў дружына здабыла перамогу ў чацьвертым дывізіёне чэмпіянату Бэльгіі і ўзвысілася да трэцяга дывізіёну. У той жа час «Аўд-Гэвэрлі» аб’яднаўся з клюбам «Лёвэн», які быў закладзены ў 1905 годзе і нават браў удзел у 30 розыгрышах другога дывізіёну і нават адзін сэзон у найвышэйшым дывізіёне ў 1949—1950 гадах. Да 2002 году аб’яднаны клюб быў у дрэнным фінансавым стане і звычайна пераходзіў паміж трэцім і чацьвертым дывізіёнамі.

У 2002 годзе кіраўніцтва Лёвэну пастанавіла аб’яднаць клюб зь яшчэ адным мясцовым клюбам — «Дарынг». Гэты клюб быў закладзены ў 1922 годзе і некалькі сэзонаў у сваёй гісторыі спаборнічаў у другім дывізіёне. У час з 1958 па 1964 гады «Дарынг» быў вядучым клюбам Лёвэну і акругі, але ў 1979 годзе каманда страціла сілу і трапіла ў правінцыйныя лігі, дзе і заставалася да аб’яднаньня.

Па аб’яднаньні клюб у сваім дывізіёне спыніўся на другім месьце пасьля «Цюбізу». У турніры прасоўваньня лёвэнцы зьведалі паразу ў фінале турніру прасоўваньня ад «Ээндрахту». У сэзоне 2003—2004 гадоў «Аўд-Гэвэрлі» заняў трэці радок, а праз год яны зноў былі другімі, але гэтым разам здабылі перамогу ў турніру прасоўваньня. Дзякуючы такому посьпеху клюб прасунуўся да другога дывізіёну, дзе цягам двух сэзонаў займаў вернхюю частку ў турнірнай табліцы. У сэзоне 2007—2008 гадоў лёвэнцы фінішавалі на 3 месцы, зарабіўшы 61 пункт. Гэта дало мажлівасьць клюбу ўзяць удзел у плэй-оф, але «Аўд-Гэвэрлі» трывалі паразы ад «Цюбізу», «Антвэрпэну» і «Лёмэль Юнайтэд». Посьпеху выпала чакаць яшчэ некалькі сэзонаў, і, нарэшце, здабыў перамогу ў лізе і прасунуўся да найвышэйшага дывізіёну.

Вонкавыя спасылкі

• Афіцыйны сайт (нід.)