Антон Шунто
| Антон Шунто | ||
| Пэрсанальная інфармацыя | ||
|---|---|---|
| Нарадзіўся | 31 траўня 1988[1] (36 гадоў) | |
| Рост | 201 см[2] | |
| Вага | 95 кг[2] | |
| Пазыцыя | брамнік | |
| Клюбы | ||
| Гады | Клюб | Гульні (галы)¹ |
| 2014—2019 | Крумкачы | 41 (0) |
| 2019 | Маладэчна-2018 | 9 (0) |
| 2020—2021 | Баранавічы | 29 (1) |
| 2022—2023 | Жодзін-Паўднёвы | 23 (1) |
Антон Шунто (нар. 31 траўня 1988 году) — беларускі футбаліст, брамнік.
Кар’ера
[рэдагаваць | рэдагаваць крыніцу]Навучаўся на факультэце спартовых гульняў і адзінаборстваў у БДУ на трэнэра па баскетболе, гуляў за зборную ўнівэрсытэту. Па заканчэньні навучаньня працаваў у САК «Алімпійскі» (будучы хатні стадыён «Крумкачоў»). У 2013 годзе трэнаваўся ў складзе клюбу Другой лігі АЛФ-2007, які пазьней быў пераўтвораны ў «Промень», аднак ня быў заяўлены на афіцыйныя матчы.
У 2014 годзе стаў гульцом другалігавага клюбу «Крумкачы». За каманду гуляў пераважна на пазыцыі брамніка, аднак таксама згуляў некалькі матчаў у якасьці нападніка. У першы ж сэзон у Другой лізе каманда заняла 2 радок і прасунулася ў Першую лігу. У 2015 годзе быў запасным брамнікам клюбу, але таксама выходзіў у канцы некалькіх матчаў у якасьці палявога гульца. Паводле вынікаў сэзону «Крумкачы» нечакана занялі трэцяе месца і прабіліся ў Найвышэйшую лігу[3]. У сэзоне 2016 году Шунто толькі некалькі разоў зьяўляўся ў заяўцы каманды на матчах Найвышэйшай лігі, у асноўным выступаючы ў моладзевым першынстве. У 2017 годзе пачаў рэгулярна трапляць у лік запасных. Дэбютаваць у Найвышэйшай лізе ўдалося 29 ліпеня 2017 году ў матчы супраць «Віцебску», у якім выйшаў на замену на 79-й хвіліне пасьля выдаленьня асноўнага брамніка каманды Яўгена Касьцюкевіча, замяніўшы паўабаронцу Кірыла Ісачэнку. Усяго правёў у Найвышэйшай лізе 7 матчаў, у якіх прапусьціў 12 мячоў. Пасьля нядопуску «Крумкачоў» у Найвышэйшую лігу 2018 году застаўся ў камандзе, якая была заяўленая ў Другую лігу.
У ліпені 2019 году перайшоў у клюб «Маладэчна»[4]. 15 красавіка 2020 году далучыўся да «Баранавічаў»[5]. У сэзоне 2022 году стаў гульцом клюбу «Жодзін-Паўднёвы».
Статыстыка
[рэдагаваць | рэдагаваць крыніцу]| Клюб | Сэзон | Чэмпіянат | ||
|---|---|---|---|---|
| Дывізіён | Матчы | Галы | ||
| Крумкачы | 2017 | Найвышэйшая ліга | 7 | –12 |
| 2018 | Другая ліга | 17 | –9 | |
Крыніцы
[рэдагаваць | рэдагаваць крыніцу]- ^ а б в Anton Shunto // Transfermarkt (мн.) — 2000.
- ^ а б в г https://pressball.by/players/football/847/
- ^ «Антон Шунто: „В шутку поставили цель на сезон: 1 победа и 2 ничьих. Вторая лига казалась запредельным уровнем“».
- ^ Антон Шунто перешел в «Молодечно» (рас.)
- ^ «ФК „Барановичи“ продолжает укреплять состав. Кто перешел в наш клуб?.
Вонкавыя спасылкі
[рэдагаваць | рэдагаваць крыніцу]- Статыстыка «ПБ-Инфо» (рас.)