Антон Мірановіч

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Антон Мірановіч
Нарадзіўся 30 кастрычніка 1959(1959-10-30) (59 гадоў)
Беласток, Польская Народная Рэспубліка
Навуковая сфэра гісторыя
Месца працы Беластоцкі ўнівэрсытэт
Альма-матэр Варшаўскі ўнівэрсытэт
Навуковая ступень доктар гістарычных навук[d]
Вікіпэдыя мае артыкулы пра іншых асобаў з прозьвішчам Мірановіч.

Анто́н Мірано́віч (па-польску: Antoni Mironowicz; нар. ў 1959, Беласток, Польшча) — польскі й беларускі гісторык, дзеяч беларускае дыяспары ў Польшчы.

Скончыў Гуманістычны факультэт філіялу Варшаўскага ўнівэрсытэту ў Беластоку. Спэцыялізуецца ў пытаньнях гісторыі Беларусі, Цэнтральнае й Усходняе Эўропы, праваслаўя й Расеі. Загадчык Катэдры гісторыі культураў памежжа ў Інстытуце Гісторыі Беластоцкага ўнівэрсытэту.

У 1990 атрымаў тытул доктара ўва Ўнівэрсытэце імя Мікалая Капэрніка ў Торуні за працу «Падляскія праваслаўныя асяродкі й арганізацыі напрыканцы XVI і XVII стагодзьзяў».

У 1997 атрымаў габілітацыю ў Люблінскі Каталіцкі Ўнівэрсытэт за працу «Праваслаўе й вунія за Янам Казімерам». Мае ўзнагароду ад Таварыства выдаўцоў вышэйшых школаў за кніжку «Праваслаўная царква ў Рэчы Паспалітай».

Творчасьць[рэдагаваць | рэдагаваць крыніцу]

  • Брацтва Аб’яленьня Панскага ў Бельску-Падляскім
  • Царкоўныя брацтвы ў Рэчы Паспалітай
  • Ігумен Сава Палмоўскі
  • Язэп Бабрыковіч — беларускі япіскап
  • Каталёг сьвятыняў і духавенства Беластоцка-гданскае праваслаўнае япархіі
  • Праваслаўная царква ў былой Рэчы Паспалітай
  • Праваслаўная Царква ў дзяржаве Пястаў і Ягелонаў
  • Мэтрапаліт Язэп Нелюбовіч-Тукальскі
  • Невядомы гербоўнік Міхала Шанцілы
  • Арганізацыя Праваслаўнае Царквы ў Рэчы Паспалітай да канца XVIII стагодзьдзя
  • Падляскія праваслаўныя асяродкі й арганізацыі напрыканцы XVI і XVII стагодзьзяў
  • Праваслаўе й вунія за Янам Казімерам
  • Сьвята-Мікольскі сабор у Беластоку
  • Супрасьль як культурна-рэлігійны асяродак
  • Сыльвестар Косаў — япіскап беларускі, мэтрапаліт кіеўскі

Працы пад рэдакцыяй:

  • Праваслаўная Царква ў Польшчы раней і цяпер
  • Кніга цудаў перад абразом Маці Божай у Старым Корніне запісаных
  • Праваслаўнае школьніцтва ў Рэчы Паспалітай
  • Вільня й Паўночна-Ўсходнія крэсы
  • Манастырскае жыцьцё ў Рэчы Паспалітай
  • Феадосій Васілевіч — архімандрыт слуцкі, япіскап беларускі