Андрэй Мельнічэнка

Андрэй Мельнічэнка
	Андрэй Мельнічэнка
	Андрэй Ігаравіч Мельнічэнка
Род дзейнасьці	прадпрымальніцтва
Дата нараджэньня	8 сакавіка 1972 (52 гады таму)
Месца нараджэньня	Гомель, Беларуская ССР
Месца вучобы	Расейскі эканамічны ўнівэрсытэт імя Г. В. Пляханава[d]; Маскоўскі дзяржаўны ўнівэрсытэт[d];
Занятак	бізнэсмэн, прадпрымальнік, мэцэнат
Бацька	Ігар Мельнічэнка
Жонка	Аляксандра Мельнічэнка
Узнагароды
Дадаткова	Акцыянэр ААТ «Эўрахім» (Масква), уласнасьць — $ 15,5 млрд (2018)
	Андрэй Мельнічэнка ў Вікісховішчы

Андрэ́й І́гаравіч Мельнічэ́нка (нарадзіўся 8 сакавіка 1972 году ў Гомлі) — буйны расейскі прадпрымальнік, найбагацейшы ўраджэнец Беларусі за мяжою ў 2011 годзе.

Асабістае жыцьцё

Нарадзіўся ў сям’і навукоўца-фізыка 8 сакавіка 1972 году ў Гомлі, дзе скончыў 9 клясаў школы №11. Браў удзел у школьных алімпіядах гораду, вобласьці й Беларусі па фізыцы. 10-ы й 11-ы клясы скончыў у фізыка-матэматычнай школе-інтэрнаце імя Андрэя Калмагорава пры Маскоўскім унівэрсытэце, пасьля якой з 1989 да 1992 году навучаўся на фізычным факультэце ўнівэрсытэту. У 1997 годзе атрымаў адукацыю па спэцыяльнасьці «Фінансы і крэдыт» у Расейскай эканамічнай акадэміі (Масква)^[1].

У 2003 годзе пазнаёміўся, а ў верасьні 2005-га ажаніўся з сэрбскаю мадэльлю Аляксандраю Нікаліч. Жыве ў Маскве.

Прадпрымальніцтва

У 1991 годзе адкрыў прадпрыемства «Спадарожнік» (па-расейску: «Спутник»), якое па чарзе займалася продажам паездак на адпачынак, службовага абсталяваньня ды валютным абменам на Кастрычніцкай плошчы Масквы^[2]. У сакавіку 1993 году стаў сузаснавальнікам і першым старшынём (да 2004 году) банку «Маскоўскі дзелавы сьвет» (па-расейску: «Московский деловой мир»; Новасыбірск), а ў 1997-м — аднаасобным уласьнікам. У 2003 годзе прадаў палову акцыяў банку супольніку (з 1996 г.) Сяргею Папову. У сьнежні 2006 году абмяняў астатнюю палову на ўсе паі мінэральна-хімічнай кампаніі «Эўрахім» (Масква).

Таксама мае 50% паёў заснаванага ў 2001 годзе ААТ «Сыбірская вугальна-энэргетычная кампанія» (Масква)^[3].

26 траўня 2009 году сустракаўся з Аляксандрам Лукашэнкам у Менску^[4].

На 2018 год меў 15,5 мільярду $ маёмасьці^[5].

Глядзіце таксама

«Ліфоса»

Крыніцы

^ Лукашэнка распрадае заводы расейскім алігархам, але ніхто не купляе Эканоміка. Хартыя’97 (3 красавіка 2009). Праверана 24 красавіка 2011 г.
^ Беларус Мельнічэнка даў поўху ўсясьветнай яхтавай галіне Грамадзтва. Радыё «Свабода» (18 ліпеня 2008). Праверана 27 красавіка 2011 г.
^ Вольга Хвоін (29 траўня 2009) Белнафтахім пакуль трымаецца і шукае спонсараў Эканоміка. Новы час. Праверана 24 красавіка 2011 г.
^ Беларускі бок гатовы разгледзіць прапановы расейскага інвэстара па мадэрнізацыі беларускіх прадпрыемстваў хімічнай прамысловасьці. Прэс-служба прэзідэнта Рэспублікі Беларусь (26 траўня 2009). Праверана 24 красавіка 2011 г.
^ Forbes / Andrey Melnichenko

Вонкавыя спасылкі

Андрэй Мельнічэнка — сховішча мультымэдыйных матэрыялаў

[1] Лукашэнка распрадае заводы расейскім алігархам, але ніхто не купляе Эканоміка. Хартыя’97 (3 красавіка 2009). Праверана 24 красавіка 2011 г.

[2] Беларус Мельнічэнка даў поўху ўсясьветнай яхтавай галіне Грамадзтва. Радыё «Свабода» (18 ліпеня 2008). Праверана 27 красавіка 2011 г.

[3] Вольга Хвоін (29 траўня 2009) Белнафтахім пакуль трымаецца і шукае спонсараў Эканоміка. Новы час. Праверана 24 красавіка 2011 г.

[4] Беларускі бок гатовы разгледзіць прапановы расейскага інвэстара па мадэрнізацыі беларускіх прадпрыемстваў хімічнай прамысловасьці. Прэс-служба прэзідэнта Рэспублікі Беларусь (26 траўня 2009). Праверана 24 красавіка 2011 г.

[5] Forbes / Andrey Melnichenko

[1]

[2]

[3]

[4]

[5]