Андрэй Мельнічэнка

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Андрэй Мельнічэнка
Андрэй Ігаравіч Мельнічэнка
Melnichenko Andrey.jpg
Род дзейнасьці прадпрымальніцтва
Дата нараджэньня 8 сакавіка 1972 (47 гадоў таму)
Месца нараджэньня Гомель, Беларуская ССР
Альма-матэр Расейскі эканамічны ўнівэрсытэт імя Г. В. Пляханава і Маскоўскі дзяржаўны ўнівэрсытэт
Занятак бізнэсмэн, прадпрымальнік і мэцэнат
Бацька Ігар Мельнічэнка
Жонка Аляксандра Мельнічэнка
Узнагароды
Decoration "For Beneficence"
Дадаткова Акцыянэр ААТ «Эўрахім» (Масква), уласнасьць$ 15,5 млрд (2018)

Андрэ́й І́гаравіч Мельнічэ́нка (нарадзіўся 8 сакавіка 1972 году ў Гомлі) — буйны расейскі прадпрымальнік, найбагацейшы ўраджэнец Беларусі за мяжою ў 2011 годзе.

Асабістае жыцьцё[рэдагаваць | рэдагаваць крыніцу]

Нарадзіўся ў сям’і навукоўца-фізыка 8 сакавіка 1972 году ў Гомлі, дзе скончыў 9 клясаў школы №11. Браў удзел у школьных алімпіядах гораду, вобласьці й Беларусі па фізыцы. 10-ы й 11-ы клясы скончыў у фізыка-матэматычнай школе-інтэрнаце імя Андрэя Калмагорава пры Маскоўскім унівэрсытэце, пасьля якой з 1989 да 1992 году навучаўся на фізычным факультэце ўнівэрсытэту. У 1997 годзе атрымаў адукацыю па спэцыяльнасьці «Фінансы і крэдыт» у Расейскай эканамічнай акадэміі (Масква)[1].

У 2003 годзе пазнаёміўся, а ў верасьні 2005-га ажаніўся з сэрбскаю мадэльлю Аляксандраю Нікаліч. Жыве ў Маскве.

Прадпрымальніцтва[рэдагаваць | рэдагаваць крыніцу]

У 1991 годзе адкрыў прадпрыемства «Спадарожнік» (па-расейску: «Спутник»), якое па чарзе займалася продажам паездак на адпачынак, службовага абсталяваньня ды валютным абменам на Кастрычніцкай плошчы Масквы[2]. У сакавіку 1993 году стаў сузаснавальнікам і першым старшынём (да 2004 году) банку «Маскоўскі дзелавы сьвет» (па-расейску: «Московский деловой мир»; Новасыбірск), а ў 1997-м — аднаасобным уласьнікам. У 2003 годзе прадаў палову акцыяў банку супольніку (з 1996 г.) Сяргею Папову. У сьнежні 2006 году абмяняў астатнюю палову на ўсе паі мінэральна-хімічнай кампаніі «Эўрахім» (Масква).

Таксама мае 50% паёў заснаванага ў 2001 годзе ААТ «Сыбірская вугальна-энэргетычная кампанія» (Масква)[3].

26 траўня 2009 году сустракаўся з Аляксандрам Лукашэнкам у Менску[4].

На 2018 год меў 15,5 мільярду $ маёмасьці[5].

Глядзіце таксама[рэдагаваць | рэдагаваць крыніцу]

Крыніцы[рэдагаваць | рэдагаваць крыніцу]

  1. ^ Лукашэнка распрадае заводы расейскім алігархам, але ніхто не купляе Эканоміка. Хартыя’97 (3 красавіка 2009). Праверана 24 красавіка 2011 г.
  2. ^ Беларус Мельнічэнка даў поўху ўсясьветнай яхтавай галіне Грамадзтва. Радыё «Свабода» (18 ліпеня 2008). Праверана 27 красавіка 2011 г.
  3. ^ Вольга Хвоін (29 траўня 2009) Белнафтахім пакуль трымаецца і шукае спонсараў Эканоміка. Новы часПраверана 24 красавіка 2011 г.
  4. ^ Беларускі бок гатовы разгледзіць прапановы расейскага інвэстара па мадэрнізацыі беларускіх прадпрыемстваў хімічнай прамысловасьці. Прэс-служба прэзідэнта Рэспублікі Беларусь (26 траўня 2009). Праверана 24 красавіка 2011 г.
  5. ^ Forbes / Andrey Melnichenko

Вонкавыя спасылкі[рэдагаваць | рэдагаваць крыніцу]

Commons-logo.svg Андрэй Мельнічэнкасховішча мультымэдыйных матэрыялаў