Андрэй Бурсаў
| Андрэй Бурсаў лац. Andreï Bursaŭ | |
| Асабістыя зьвесткі | |
|---|---|
| Імя пры нараджэньні | Андрэй Васільевіч Бурсаў |
| Нарадзіўся | 21 жніўня 1976 (48 гадоў) |
| Літаратурная дзейнасьць | |
| Род дзейнасьці | паэт, маляр, перакладнік, фатограф |
| Гады творчасьці | 1995 — па сёньня |
| Мова | беларуская мова |
| Узнагароды | |
| https://www.facebook.com/burrandt4t | |
Андрэй Васільевіч Бурсаў (нар. 21 жніўня 1976, Менск, Беларусь) — беларускі паэт, мастак[1], фатограф і перакладнік.
Жыцьцяпіс
[рэдагаваць | рэдагаваць крыніцу]Нарадзіўся ў Менску ў 1976 годзе.
1986—1990 гг. — Менская дзіцячая мастацкая школа (два гады ў МДМШ №2, потым два гады ў МДМШ №3).
1994—1999 гг. — перакладніцкі факультэт Менскага дзяржаўнага лінгвістычнага ўнівэрсытэту.
У 1997—1999 гг. друкаваўся ў газэце «Наша Ніва», часопісах «Першацьвет» і «ARCHE».
2000 г. — ляўрэат прэміі «Дэбют» Саюза беларускіх пісьменьнікаў. (Ня блытаць з прэміяй «Дэбют» імя М. Багдановіча, якая была заснаваная толькі ў 2010 г.)
У 2007 г. выдавецтва „Лімарыюс“ выдала зборнік «Беларусь і беларусы ў прасторы і часе», у якім быў зьмешчаны артыкул вядомага брытанскага філёляга-славіста, прафэсара, папулярызатара беларускае літаратуры Арнольда Макміліна «Два прыклады постмадэрнае беларускае паэзіі: Арцём Кавалеўскі і Андрэй Бурсаў» (на ангельскай мове)[2]. У 2010 г. гэты артыкул быў цалкам уключаны ў кнігу Арнольда Макміліна «Belarusian Literature From The 1970s To The Present Day»[3]. А. Макмілін адзначае: «Бурсаў — паэт ня просты і ня лёгкі, асабліва з-за ягонага вакабуляра, які злучае ў сабе розныя слоўцы: архаізмы і дыялектызмы, жаргон і слэнг, а таксама вульгарызмы. Да таго ж і правапіс аўтара падаецца даволі мудрагелістым, калі не сказаць эксцэнтрычным. Нават у тым, як самі вершы выглядаюць на паперы, адчуваецца яскравы індывідуальны стыль»[4].
У 2015 г. А. Бурсаў ня быў прыняты ў шэрагі Саюза беларускіх пісьменьнікаў[5][6]:
|
А ўвогуле, у нас моўных экспэрымэнтатараў ня вельмі любяць. Скажам, цікавага паэта Андрэя Бурсава не прынялі ў Саюз беларускіх пісьменьнікаў галоўным чынам таму, што ён напаўняе свае вершы рэдкімі дыялектызмамі і аўтарскімі нэалягізмамі і, мала таго, абедзьве свае кнігі выдаў у аўтарскай арфаграфіі. Дый ягонага славутага папярэдніка Янку Юхнаўца прызнавалі далёка ня ўсе»[7]. | 
|
Аўтар трох зборнікаў паэзіі, прозы і перакладаў: «Дзівін» (2002)[8], «Празьнеб’е» (2009)[9] і «Сонм-Трава» (2025)[10]. Аўтар называе свае вершы «граняслоўямі» [11]. Слова «гранесловіе» можна знайсьці ў слоўніку старажытнабеларускае мовы «Сіноніма славенароская» 17-га ст., у якім яно ўжываецца ў якасьці сіноніма да слова «верш»[12].
Шэраг вершаў паэта сталі песьнямі беларускага рок-гурта P.L.A.N. (кіраўнік — Андрэй Плясанаў)) у альбоме «Blues у канцы тунэлю» (2003).
Перакладае мастацкую і навукова-дасьледніцкую літаратуру з/на беларускую і ангельскую мовы.
Зьяўляецца далёкім сваяком Івана Цярэнцьевіча Бурсава (1927, Клімавічы, Магілёўская вобласць — 2019), беларускага і расійскага паэта. Бацька і дзед Андрэя Бурсава нарадзіліся ў Клімавічах.
Кнігі
[рэдагаваць | рэдагаваць крыніцу]• 2002 г. — «Дзівін»[13].
• 2009 г. — «Празьнеб’е»[14].
• 2025 г. — «Сонм-Трава»[15].
Выставы
[рэдагаваць | рэдагаваць крыніцу]• 10.05.2002 — прэзэнтацыя-1 кнігі «Дзівін» (вершы, фатаграфіі, хэпэнінг). Галерэя ЭГУ (Менск)[16].
• 26.06.2002 — фота-варажба (прэзэнтацыя-2 кнігі «Дзівін» (вершы, фатаграфіі, хэпэнінг). Галерэя ЭГУ (Менск)[17].
• 2007 г. — пэрсанальная выстава «Першаклад» (жывапіс, вершы, пазлы). Галерэя «Падземка» (Менск)[18].
• 2009 г. — пэрсанальная выстава «Златадзён» (жывапіс[19], вершы). Музэй гісторыі беларускае літаратуры (Менск)[20].
Крыніцы
[рэдагаваць | рэдагаваць крыніцу]- ^ Карціна дня: «Барацьбіт» Андрэя Бурсава, Будзьма беларусамі, 21.11.2011, https://budzma.org/news/karcina-dnya-baracbit-andreya-bursava.html
- ^ https://kamunikat.org/?pubid=10144
- ^ https://www.facebook.com/burrandt4t/posts/pfbid02Mo7HPZPcRMUbsx6uKn6qie4bpBZZcSPB4qUvc5Qy7t3n9BpQS3Z27Z8BPhiaZdmNl
- ^ https://www.facebook.com/photo/?fbid=108858845466058&set=pcb.108863472132262
- ^ https://vk.com/wall-25017578_752
- ^ https://vk.com/wall-25017578_709
- ^ Поставангардызм Віктара Жыбуля / І. С. Скарапанава. – Мінск : ІВЦ Мінфіна, 2018, https://e-catalog.nlb.by/Record/BY-NLB-br0000977881
- ^ https://e-catalog.nlb.by/Record/BY-NLB-br403587
- ^ https://e-catalog.nlb.by/Record/BY-NLB-br0000431284
- ^ https://skarynapress.com/kniharnia/9781915601629/
- ^ https://www.facebook.com/burrandt4t/posts/pfbid02YJcRh7r1LCBe5XNncCruPSDFP2DddtxvfCzfc359PBWdcECfsvTZbrKtyKqgP4Dnl
- ^ http://izbornyk.org.ua/zyzlex/zyz70.htm
- ^ Дзівін / Dzivin (2002), https://www.facebook.com/burrandt4t/posts/pfbid02enx1QH2GehkxQMiwYPseEay8k5jSUWt4FJGMVU7pPN5KpLpXCkzhr6WeXUC9ZEu1l
- ^ Празьнеб’е / Praźniebïe (2009), https://www.facebook.com/burrandt4t/posts/pfbid0EdM7xTesPSFB62BqBboXmAN1qxaaM6caVBCrfbqRgsrBwGQJkNUnbWAMXYk8H5vyl
- ^ Сонм-Трава / Sonm-Trava (2025), https://skarynapress.com/kniharnia/9781915601629/
- ^ Прєзєнтацыя-1 кнігі «Дзíвін» (вершы, здымкі, хɛпэнінг). Галерэя ЕГУ (Менск), https://www.facebook.com/burrandt4t/posts/pfbid0RK1HzQ26xUYg8TJcdBTozy1oajMANV5ZvcPdMhTQu9dnLzR4SZPdPy6ngM2iUvYfl
- ^ Прэзэнтацыя-2 кнігі «Дзíвін» (вершы, здымкі, хэпэнінг). Галерыя ЕГУ (Менск), https://www.facebook.com/burrandt4t/posts/pfbid0RK1HzQ26xUYg8TJcdBTozy1oajMANV5ZvcPdMhTQu9dnLzR4SZPdPy6ngM2iUvYfl
- ^ Выстава Андрэя Бурсава «Першаклад», Настаўнік.info, 28.11.2007, https://web.archive.org/web/20230901072502/https://www.nastaunik.info/news/10819
- ^ https://www.instagram.com/burrandt3t/
- ^ Адкрыццё выставы Андрэя Бурсава «Златадзён», 16.01.2009, Будзьма беларусамі, https://budzma.org/news/adkryccyo-vystavy-andreya-bursava-zlatadzyon.html
 | Дзеля паляпшэньня артыкулу неабходна:
|