Андрэеўка (Добрускі раён)

Андрэеўка
Вобласьць:	Гомельская
Раён:	Добрускі
Сельсавет:	Усохабудзкі
Насельніцтва:	110 (2004)
Тэлефонны код:	+375 2333
Паштовы індэкс:	247086
Аўтамабільны код:	3
Геаграфічныя каардынаты:	52°08′ пн. ш. 31°31′ у. д.
Андрэеўка на мапе Беларусі Андрэеўка

Андрэ́еўка — пасёлак у Добрускім раёне Гомельскай вобласьці. Андрэеўка ўваходзіць у склад Усохабудзкага сельсавету. Насельніцтва 110 чал. (2004).

Знаходзіцца за 36 км на паўднёвы ўсход ад Добрушу і за 5 км ад чыгуначнай станцыі Мікалаеўка, за 70 км ад Гомелю.

Гісторыя

Пасёлак заснаваны напачатку XX ст. перасяленцамі з суседніх вёсак. У 1926 року ў пасёлку дзейнічала паштовае аддзяленьне. З 8 сьнежня 1926 року па 30 сьнежня 1927 року цэнтар Андрэеўскага сельсавету Краснабудзкага, з 4 жніўня 1927 року Церахоўскага раёнаў Гомельскай акругі. У 1930 року савецкая ўлада арганізавала калгас «Беларусь», працавалі вятрак і конная крупадзёрня.

Падчас Вялікай Айчыннай вайны нямецкія акупанты забілі 15 мірных жыхароў. У баі за вёску ў верасьні 1943 року загінулі 2 жаўнеры, якія пахавалі ў брацкай магіле за 0,5 км на паўночны ўсход ад вёскі.

У 1959 року вёска знаходзілася ў складзе калгасу імя А. Суворава з цэнтрам у вёсцы Ўсоская Буда.

Насельніцтва

• 1926 — 611 чал., 118 двароў.
• 1959 — 389 чал. (паводле перапісу).
• 2004 — 110 чал., 63 двары.

Забудова

У мястэчку 63 жылыя хаты (2004). Пляноўка складаецца з 2 злучаных паміж сабой вуліцаў, з шыротнай арыентацыяй. Забудова двухбаковая, драўлянымі хатамі.

Літаратура

• Гарады і вёскі Беларусі: Энцыклапедыя. Т. 1, кн. 1. Гомельская вобласць / С.В. Марцэлеў; рэдкал.: Г.П. Пашкоў (гал. рэд.) [і інш.]. — Менск: БелЭн, 2004. — 632 с.: іл. ISBN 985-11-0303-9.