Анджэй Струміла

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Анджэй Струміла
Andrzej Strumillo.png
Анджэй Струміла (2013)
Дата нараджэньня 23 кастрычніка 1927
Месца нараджэньня Вільня
Дата сьмерці 9 красавіка 2020 (92 гады)
Месца сьмерці Сувалкі
Месца пахаваньня Магдалянова[d]
Грамадзянства Польшча
Альма-матэр Акадэмія прыгожых мастацтваў у Лодзі[d] і Кракаўская акадэмія мастацтваў
Занятак малярства, графіка, фатаграфія, паэзія, скульптура, сцэнаграфія
Узнагароды Узнагароджаны мэдалём «За заслугі ў культуры Глёрыя Артыс»
Вікіпэдыя мае артыкулы пра іншых асобаў з прозьвішчам Струміла (неадназначнасьць).

А́нджэй Струмі́ла (па-польску: Andrzej Strumiłło; 23 кастрычніка 1927[1], Вільня[2] — 9 красавіка 2020, Сувалкі[3]) — польскі маляр беларускага паходжаньня, графік, скульптар, фатограф, паэт, пісьменьнік, сцэнограф. Ляўрэат залатога мэдалю «За заслугі ў культуры Глёрыя Артыс»[4].

Жыцьцяпіс[рэдагаваць | рэдагаваць крыніцу]

Дзяцінства правёў у родным засьценку маці — Суданах пад Сьвянцянамі[5]. Да II сусьветнай вайны быў міністрантам у касьцёле сьвятых Пятра і Паўла на Антокалі. Навучаўся ў Дзяржаўнай вышэйшай школе плястычных мастатцваў у Лодзі, а ў 1950 року атрымаў дыплём выпускніка Акадэміі прыгожых мастацтваў у Кракаве.

У 1949—1953 працаваў асыстэнтам у абодвух вучэльнях. З 1956 року праектаваў выставачныя павільёны для Польскай гандлёвай палаты.

У 1977—1980 — кантрактны прафэсар кракаўскай АПМ, у 1987—1988 — выкладчык сувалкаўскай філіі Акадэміі каталіцкай тэалёгіі. У 1982—1984 займаў пасаду кіраўніка графічнай майстэрні пры сакратарыяце Арганізацыі Аб’яднаных Нацыяў у Нью-Ёрку. Вярнуўшыся ў Польшчу, пасяліўся на Чорнай Ганчы, «каб быць бліжэй да Вільні»[1][5].

Творчасьць[рэдагаваць | рэдагаваць крыніцу]

Выдаў два зборнікі паэзіі: Moje і Jak. У 2008 року выйшаў збор артыкулаў і ілюстрацыяў Factum est (па-лацінску: Стала так), а ў 2009 — «Ja. Poezje wybrane». Разам з Чэславам Мілашам і Томасам Вэнцлавам быў ініцыятарам выданьня «Кнігі Вялікага Княства Літоўскага» — зборніку эсэ беларускіх, летувіскіх і польскіх аўтараў.

У 2008 року ў Сувалках адкрылася галерэя мастака, дзе выстаўленыя карціны, скульптуры, фатаздымкі і рысункі Анджэя Струмілы[6][7].

Узнагароды[рэдагаваць | рэдагаваць крыніцу]

  • Прэмія Міністэрства культуры і мастацтва II ступені (1969)
  • Дзяржаўная прэмія II ступені (1974)

Крыніцы[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]

Commons-logo.svg Анджэй Струміласховішча мультымэдыйных матэрыялаў