Аляксей Назарэўскі

	Аляксей Назарэўскі
Асабістыя зьвесткі
Нарадзіўся:	15 сакавіка 1881; Сіняўка, Слуцкі павет, Менская губэрня, Расейская імпэрыя;
Памёр:	1942; Самара, РСФСР, СССР;
Партыя:	Беларусы ў парлямэнце Польскай Рэспублікі (1918—1939);
	Аляксей Назарэўскі ў Вікісховішчы

Аляксей Васілевіч Назарэўскі (15 сакавіка 1881, Сіняўка каля Нясьвіжу — у 1942, Куйбышаў^[1]) — беларускі палітык, сэнатар міжваеннай Польскай Рэспублікі ў 1922—1926 гадах.

Жыцьцяпіс

У маладосьці працаваў на пошце ў Менску. У 1905 годзе прызваны на расейска-японскую вайну. Пазьней працаваў зьбіральнікам падаткаў у Баранавічах, ураднікам у Ігумене. У 1920—1922 гадах працаваў у каапэрацыі ў Баранавічах. У 1921 годзе, пасьля таго, як у Баранавічах згарэла праваслаўная царква, Назарэўскі стаў старшынём будаўнічага камітэту новай Сьвята-Пакроўскай царквы. Шмат каштоўных з мастацкага боку рэчаў (мазайкі абароў вядомых расейскіх мастакоў) ён атрымаў для баранавіцкай царквы з разбуранага ў Варшаве праваслаўнага сабору Аляксандра Неўскага.

У 1922 годзе абраны як беспартыйны сэнатарам ад сьпісу Блёку нацыянальных меншасьцяў у Наваградзкім ваяводзтве. У парлямэнце далучыўся да Беларускага пасольскага клюбу. На сканчэньні сэнату Першай кадэцыі атрымаў мандат раднага (дэпутата мясцовага савету) Баранавіч. Працаваў у магістраце Баранавіч.

Адзін са стваральнікаў Праваслаўнага беларускага дэмакратычнага аб’яднаньня, разам з сэнатарам Вячаславам Багдановічам і пратаярэям Луком Голадам зьяўляецца аўтарам статуту гэтага аб’яднаньня. Аднак хутка адыйшоў ад аб’яднаньня і стаў супрацоўнічаць з афіцыйнымі праваслаўнымі ўладамі Польшчы.

Прызначаны тэхнічным кіраўніком пры стварэньні арганізацыі Беларускі інстытут гаспадаркі і культуры ў 1926 годзе. Адзін з заснавальнікаў Беларускага каапэратыўнага банку^[2]^[3].

Карыстаючыся знаёмствам з савецкім агентам у Данцыгу, нейкім Курлянскім, перакінуў у СССР Міхаіла Кахановіча. Дзякуючы знаёмству зь немцамі перакінуў у Нямеччыну пасла Юрку Сабалеўскага.

Сасватаў свайму калегу сэнатару Аляксандру Ўласаву жонку Аляксандру, настаўніцу з Баранавіч.

Арыштаваны НКВД БССР 2 студзеня 1940 году ў сваёй хаце ў Баранавічах. 9 верасьня 1940 году асуджаны на 8 гадоў лягероў. У верасьні 1941 году вывезены з Сыблагу і накіраваны ў Паўладарскую вобласьць. напрыкацы 1941 быў амніставаны, выехаў да Казахстану, дзе фармавалася войска Андэрса. Памёр ў шпіталі ў горадзе Куйбышаў у 1942 годзе^[4].

Крыніцы

^ Жыцьцяпіс Назарэўскага
^ Пінскі аддзел Беларускага кааператыўнага банка ў Вільні (1926–1932 гг.): утварэнне і дзейнасць А.С. ГОРНЫ, А.Л. ІЛЬІН // Известия Гомельского государственного университета имени Ф. Скорины, № 1 (94), 2016.
^ Горны А. Рэгіянальныя структуры беларускага нацыянальнага pyxy ў Заходняй Беларусі (1921—1939 гг.) // Беларускі гістарычны часопіс. № 6, 2021. С. 19
^ Sławomir Kalbarczyk – Z badań nad losami polskich parlamentarzystów represjonowanych przez władze sowieckie w latach 1939-1941, w: Okupacja sowiecka ziem polskich 1939–1941, pod red. Piotra Chmielowca, Rzeszów – Warszawa, 2005, s. 168.

Jacek Majchrowski, Kto był kim w Drugiej Rzeczypospolitej, Warszawa 1994

[1] Жыцьцяпіс Назарэўскага

[2] Пінскі аддзел Беларускага кааператыўнага банка ў Вільні (1926–1932 гг.): утварэнне і дзейнасць А.С. ГОРНЫ, А.Л. ІЛЬІН // Известия Гомельского государственного университета имени Ф. Скорины, № 1 (94), 2016.

[3] Горны А. Рэгіянальныя структуры беларускага нацыянальнага pyxy ў Заходняй Беларусі (1921—1939 гг.) // Беларускі гістарычны часопіс. № 6, 2021. С. 19

[4] Sławomir Kalbarczyk – Z badań nad losami polskich parlamentarzystów represjonowanych przez władze sowieckie w latach 1939-1941, w: Okupacja sowiecka ziem polskich 1939–1941, pod red. Piotra Chmielowca, Rzeszów – Warszawa, 2005, s. 168.

[1]

[2]

[3]

[4]