Аль-Каіда

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Аль-Каіда
араб. القاعدة
Сьцяг у Іраку
Сьцяг аддзяленьня ў Іраку
Дата ўтварэньня 11 жніўня 1988 (31 год таму)
Тып Тэрарыстычная
Юрыдычны статус Злачынная арганізацыя
Месцазнаходжаньне Хайбэр-Пахтунхва (Пакістан)
Дзейнічае ў рэгіёнах Паўднёва-Заходняя Азія, Паўднёвая Азія, Паўночная Афрыка і Самалі
Правадыр Айман аль-Завахіры
Кіроўны орган Рада
Колькасьць валянтэраў 12750 (2014)

«Аль-Каіда» (літар. з араб. «аснова») — транснацыянальная тэрарыстычная арганізацыя, заснаваная 11 жніўня 1988 г. у пакістанскім горадзе Пешавар (Паўночна-Заходняя Памежная правінцыя) 15 арабскімі ісламістамі на чале з Усамам бін Ладэнам[1].

Пасьля вываду войскаў СССР з Аўганістану «Аль-Каіда» накіравала вастрыё барацьбы супраць ЗША, краінаў г. зв. «Заходняга сьвету» і іх прыхільнікаў у ісламскіх краінах. Мэтай арганізацыі зьяўляецца зьвяржэньне сьвецкіх рэжымаў у ісламскіх краінах, стварэньне «Вялікага ісламскага халіфату».

Злачынствы[рэдагаваць | рэдагаваць крыніцу]

26 лютага 1993 г. «Аль-Каіда» ўчыніла падрыў Сусьветнага гандлёвага цэнтру ў Нью-Ёрку 606-кіляграмовай бомбай, ад якога загінулі 6 чалавек. 7 жніўня 1998 г. ажыцьцявіла падрыў амбасадаў ЗША ў Кеніі і Танзаніі, ад якога загінулі 224 чалавекі. 11 верасьня 2001 г. зладзіла паветраныя напады на Сусьветны гандлёвы цэнтар у Нью-Ёрку і Пэнтагон у Вашынгтоне (ЗША), ад якіх загінулі 2996 чалавек. 11 сакавіка 2004 г. зьдзейсьніла падрыў 4 цягнікоў у Мадрыдзе (Гішпанія), ад якога загінуў 191 чалавек. 7 ліпеня 2005 г. учыніла падрыў сьмяротнікаў на грамадзкім транспарце ў Лёндане (Ангельшчына), што пацягнуў сьмерць 56 чалавек.

Іншыя радыкальныя ісламскія арганізацыі[рэдагаваць | рэдагаваць крыніцу]

Крыніцы[рэдагаваць | рэдагаваць крыніцу]

  1. ^ Ужо сёньня, 11 жніўня // Радыё «Свабода», 11 жніўня 2011 г. Праверана 11 сьнежня 2014 г.

Вонкавыя спасылкі[рэдагаваць | рэдагаваць крыніцу]

Commons-logo.svg Аль-Каідасховішча мультымэдыйных матэрыялаў