Адзёр
Адзёр — заражэньне дыхальных шляхоў адзёрным(en) вірусам ад хворага чалавека пры размове, чханьні і кашлі. Ускладненьне хваробы выклікае паражэньне дыхальных шляхоў, органаў слыху і цэнтральнай нэрвовай сыстэмы, гаймарыт, фарынгіт(be), лярынгіт(en), трахеіт(be), бранхіт, пнэўманію, сэрозны мэнінгіт, мэнінгаэнцэфаліт, энцэфаляпатыю, полінэўрыт і падвостры склеразавальны панэнцэфаліт(en), што ўяўляе сьмяротную пагрозу.
Папярэджаньне
[рэдагаваць | рэдагаваць крыніцу]Адзіным спосабам прадухіленьня заражэньня ёсьць вакцынаваньне. Насельніцтва Беларусі атрымлівае 2 прышчэпкі ў 1 і 6 гадоў[1].
Праявы
[рэдагаваць | рэдагаваць крыніцу]Хвароба пачынаецца ўздымам тэмпэратуры да +39°C. Зьяўляецца рэзкі сухі кашаль, закладзенасьць носа, пачырваненьне і разрыхленьне сьлізьніцы задняй сьценкі глоткі. Праз 2 дні ўзмацняецца кашаль, разьвіваецца каньюнктывіт і сьвятлабоязь, на сьлізьніцы шчок зьяўляецца плямістая экзантэма. Першы сып зьяўляецца за вушамі, на пераносьсі. Цягам сутак сып распаўсюджваецца на ўвесь твар, шыю, верхнюю частку грудзіны, на другія суткі — на тулава і рукі, на трэція — на ногі. Сып мае выгляд дробных плямаў і пухіркоў ружовага або чырвонага колеру, якія на працягу некалькіх гадзін павялічваюцца ў памерах і зьліваюцца. Праз 3—4 дні сып пачынае цямнець і зьнікае праз 7—19 дзён, што суправаджаецца вотруб’епадобным лушчэньнем скуры[2].
Беларусь
[рэдагаваць | рэдагаваць крыніцу]У 2006 годзе аднавіліся выпадкі выяўленьня захворваньня пасьля шматгадовай адсутнасьці, якой дасягнулі шляхам пашыранасьці прышчэпкі ад адру. У 2011 годзе ў Беларусі выявілі 50 выпадкаў адру ў выніку заражэньняў, якія адбыліся за мяжой[3].
Крыніцы
[рэдагаваць | рэдагаваць крыніцу]- ^ Імунізацыя насельніцтва Рэспублікі Беларусь // Беларускае тэлеграфнае агенцтва, 26 сакавіка 2012 г. Праверана 11 чэрвеня 2013 г.
- ^ Вольга Бацкалевіч. Адзёр і яго прафілактыка // Раённая газэта «Ляхавіцкі весьнік», 19 кастрычніка 2011 г. Праверана 11 чэрвеня 2013 г.
- ^ Сьвятлана Барысенка. Прышчэпка ад гепатыту В — небясьпечная? // Зьвязда : газэта. — 24 студзеня 2012. — № 14 (27129). — С. 7. — ISSN 1990-763x.