Абрагам Кульва

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку

Абрагам Кульва
Abraham Culvensis
Abraomaskulvietispaminklas.jpg
Помніку Абрагаму Кульву ў Янаве
Род дзейнасьці пратэстанцкі багаслоў, пэдагог
Дата нараджэньня к. 1509
Месца нараджэньня Кульва, Вялікае Княства Літоўскае
Дата сьмерці 19 чэрвеня 1545
Месца сьмерці Вільня

Абрага́м Ку́львец (Ку́льва; па-лацінску: Abraham Culvensis, па-польску: Abraham Kulwieć; к. 1509, Кульва ля Коўна (цяпер у Янаўскім раёне Летувы) — 19 чэрвеня 1545, Вільня, Вялікае Княства Літоўскае) — летувіскі пратэстанцкі дзяяч, пэдагог.

Жыцьцяпіс[рэдагаваць | рэдагаваць крыніцу]

Кульвец нарадзіўся ў родавым маёнтку Кульве ля Коўна. Паходзіў з заможнага шляхецкага роду. У 1528—1537 навучаўся ў розных эўрапейскіх унівэрсытэтах: Кракаўскай акадэміі, Лёвэнскім каталіцкім, Вітэнбэрскім, Ляйпцыскім і Сіенскім унівэрсытэтах, атрымаўшы ступень доктара юрыспрудэнцыі.

Вярнуўшыся ў Вялікае Княства Літоўскае, Абрагам Кульва выкладаў у Вільні, а ў 1539—1540 з дапамогай Боны Сфорцы заклаў школу для шляхецкай моладзі. За свае лютэранскія погляды ў 1542 року быў вымушаны зьехаць і на запрашэньне прускага герцага Альбэрта пераехаў у Каралявец, дзе выкладаў іўрыт і грэцкую мову ў Альбэртынскім унівэрсытэтце. Пераклаў на летувіскую мову хрысьціянскія сьпевы, па ягонай сьмерці выдадзеныя Марцінасам Мажвідасам.

У 1545 Кульва атрымаў дазвол вярнуцца ў ВКЛ да паміраючае маці. Ужо хворы на сухоты, памёр у бацькоўскім доме ў Кульве (паводле іншых зьвестак, у Вільні).

Творы[рэдагаваць | рэдагаваць крыніцу]

  • «Confessio fidei Abr. Culvensis», 1543

Крыніцы[рэдагаваць | рэдагаваць крыніцу]

Літаратура[рэдагаваць | рэдагаваць крыніцу]