Ігнат Прановіч
| Ігнат Прановіч | ||
| Пэрсанальная інфармацыя | ||
|---|---|---|
| Нарадзіўся | 2 траўня 2003[1] (21 год) | |
| Рост | 178 см[2] | |
| Вага | 71 кг[2] | |
| Пазыцыя | паўабаронца | |
| Клюбная інфармацыя | ||
| Клюб | Нафтан (у арэндзе з клюбу «Менск») | |
| Нумар | 11 | |
| Клюбы | ||
| Гады | Клюб | Гульні (галы)¹ |
| 2022— | Менск | 10 (0) |
| 2022 | → Нафтан | 23 (4) |
| 2023— | → Нафтан | 39 (6) |
|
¹ Колькасьць гульняў і галоў за прафэсійны клюб лічыцца толькі | ||
Ігнат Прановіч (нар. 2 траўня 2003 году) — беларускі футбаліст, паўабаронца наваполацкага «Нафтану» і моладзевай зборнай Беларусі. У арэндзе з сталічнага «Менску».
Кар’ера
[рэдагаваць | рэдагаваць крыніцу]Клюбная
[рэдагаваць | рэдагаваць крыніцу]Выхаванец сталічнага клюбу «Менск», дзе першым трэнэрам гульца быў Віталь Тараканаў. У 2021 годзе Прановіч запачаткаваў выступы за клюбны дубль, пры гэтым некалькі разоў трапляў у заяўку галоўнай каманды. У сакавіку 2022 году на правах арэнды прыяднаўся да наваполацкага «Нафтану», які выступаў у Першай лізе. Ужо 9 красавіка дэбютаваў у прафэсійным футболе, зьявіўшыся ў матчы супраць петрыкаўскага «Шахцёра». Дэбютным голам адзначыўся 22 траўня ў сустрэчы з «Макслайнам». Гулец хутка стаў адным з ключавых футбалістаў каманды, якая здабыла перамогу ў розыгрышы другога дывізіёну.
Па заканчэньні арэнды вярнуўся ў сталічны клюб, дзе рыхтаваўся з асноўным складам да новага сэзону[3]. У складзе «Менску» дэбютаваў у пачатковым матчы новага сэзону Найвышэйшай лігі, адгуляўшы ўсе 90 хвілінаў сустрэчы, якая скончылася перамогай «мяшчанаў» зь лікам 2:0 над мазырскай «Славіяй». Першую палову чэмпіянату быў адным з галоўных гульцоў каманды, але з чэрвеня трапіў на лаўку запасных. У ліпені 2023 году вярнуўся на правах арэнды ў «Нафтан»[4], дзе замацаваў у складзе. 18 жніўня забіў важны гол у браму сталічнага «Энэргетыка»-БДУ, чым дапамог здабыць буйную перамогу зь лікам 4:0. У студзені 2024 году падоўжыў супрацу з «паўночнікамі»[5]. 7 красавіка 2024 году адзначыўся галявым дублем у выяздным матчы супраць менскага «Дынама» (2:2). Сам гулец гэты матч назваў найлепшым у сваёй кар’еры[6].
Міжнародная
[рэдагаваць | рэдагаваць крыніцу]У траўні 2021 году футбаліст атрымаў выклік у зборную Беларусі (да 19 гадоў), дэбютаваўшы ў ейным складзе 2 чэрвеня 2021 году ў матчы супраць зборнай Азэрбайджану.
Крыніцы
[рэдагаваць | рэдагаваць крыніцу]- ^ а б в г д https://fcminsk.by/player/ignat-pranovich/
- ^ а б в г https://pressball.by/players/football/1732/
- ^ «Минск» провел третий контрольный матч (рас.) Football.by.
- ^ «Минск» отдал полузащитника в аренду «Нафтану» (рас.) Football.by.
- ^ «Нафтан» снова взял в аренду Прановича (рас.) Football.by.
- ^ Игнат Пранович: «Это мой лучший матч!» (рас.) Football.by.
Вонкавыя спасылкі
[рэдагаваць | рэдагаваць крыніцу]- Статыстыка «ПБ-Инфо»(недаступная спасылка) (рас.)
- Профіль (анг.) на Transfermarkt
- Профіль (анг.) на Soccerway