Іван Літвіновіч

	Іван Літвіновіч
Пэрсанальная інфармацыя
Нарадзіўся	26 чэрвеня 2001 (23 гады); Вялейка, Менская вобласьць, Беларусь;
Грамадзянства	Беларусь;
Прафэсійная інфармацыя
Спэцыялізацыя	скакун на батуце
	Узнагароды і мэдалі Ганаровая грамата Міністэрства спорту і турызму Беларусі[d] (9 студзеня 2020)

Іва́н Уладзі́меравіч Літвіно́віч (нар. 26 чэрвеня 2001, Вялейка, Беларусь) — беларускі батутыст. Чэмпіён Эўропы і сьвету, Алімпійскі чэмпіён 2020 і 2024 гадоў.

Жыцьцяпіс

Пачаў займацца скачкамі на батуце ў васьмігадовым ўзросьце, да гэтага займаўся акрабатыкай паводле прыкладу маці Тацьцяны Аляксандраўны — майстра спорту СССР па спартовай акрабатыцы. Выхаванец Вілейскай ДЮСШ, першы трэнэр — Пётар Зайцаў^[2].

Скончыў Вялейскую сярэднюю школу №1 і Вялейскі дзяржаўны каледж па спэцыяльнасьці «аўтамабільны сьлесар». Навучаецца ў Беларускім дзяржаўным унівэрсытэце фізычнай культуры^[2].

Трэнуецца ў Рэспубліканскім цэнтры алімпійскай падрыхтоўкі па гімнастычных відах спорту пад кіраўніцтвам Вольгі Ўласавай. Спартовец-інструктар нацыянальнай каманды Рэспублікі Беларусь па скачках на батуце. Майстар спорту Рэспублікі Беларусь міжнароднага клясу (2019).

Спартовая кар’ера

На чэмпіянаце сьвету 2017 году ў Сафіі здабыў срэбны мэдаль у адной з узроставых груп і заняў другое месца ў катэгорыі 15–16 гадоў разам з Даніілам Валынцавым. На чэмпіянаце Эўропы 2018 году ў Баку ўзяў залаты мэдаль у юніёрскім разрадзе і залаты мэдаль у камандным заліку. Выступаў на III Юнацкіх Алімпійскіх гульнях 2018 году, дзе заняў чацьвёртае месца^[2].

У 2019 годзе выйграў срэбны мэдаль у індывідуальным заліку і залаты мэдаль у камандных спаборніцтвах (разам з Уладзіславам Ганчаровым, Алегам Рабцавым і Аляксеем Дударавым) на Чэмпіянаце сьвету ў Токіё. У індывідуальных скачках на першым этапе Кубка сьвету 2020 ўзяў срэбны мэдаль, што дазволіла атрымаць алімпійскую ліцэнзію ў Токіё^[3].

На чэмпіянаце Эўропы 2020 ў Сочы ў індывідуальных спаборніцтвах заняў 22 месца, у камандным заліку здабыў залаты мэдаль (разам з У. Ганчаровым, А. Рабцавым і А. Дударавым)^[4].

На XXXII летніх Алімпійскіх гульнях 2020 у Токіё ў індывідуальным заліку заваяваў залаты мэдаль^[5], набраўшы 61,715 бала^[6]. Гэта быў першы мэдаль Беларусі на спаборніцтвах.

Дасягненьні

1 Алімпійскі чэмпіён: 2020 (індывідуальны);
1 Чэмпіён сьвету: 2019 (індывідуальны);
1 Чэмпіён Эўропы: 2018 (індывідуальны, сярод юніёраў), 2018 (у камандзе, сярод юніёраў), 2020 (у камандзе);
2 Срэбраны прызэр Чэмпіянату сьвету: 2019 (індывідуальны).

Узнагароды і званьні

Узнагароджаны Ганаровай граматай Міністэрства спорту і турызму Рэспублікі Беларусь (2020)^[7]. У 2019 годзе стаў «Асобай году» на думку рэдакцыі «Рэгіянальнай газеты»^[8].

Грамадзянская пазыцыя

Літвіновіч — падпісант ліста ў падтрымку Лукашэнкі пасьля выбараў 2020 году. Пасьля перамогі на Алімпіядзе Літвіновіча спрабавалі спытаць пра палітыку расейскія журналісты з газэты «Спорт-Экспресс». Ён прызнаў, што падпісаў праўладны ліст, сказаўшы, што заўсёды «лічыў спорт па-за палітыкай». Далейшыя пытаньні перарвала прадстаўніца адміністрацыйнага блёку зборнай Беларусі, заявіўшы, што спартовец паводле Алімпійскай хартыі ня можа гаварыць пра палітыку, хаця насамрэч артыкул 50 забараняе не выказваньні стасоўна палітыкі, а палітычную прапаганду^[6].

Крыніцы

^ ^а ^б Ivan Litvinovich // Olympedia (анг.) — 2006.
^ ^а ^б ^в Владимир Зданович. «Люблю скорость с детства — это моя стихия». Наш Спорт, № 02, февраль 2020. Праверана 2021-07-31 г.
^ Студент и два выпускника БГУФК завоевали медали на КМ в Баку. // БГУФК, 2020. (бел.)
^ Белорусские батутисты выиграли четыре награды на ЧЕ в Сочи. // БелТА, 1 мая 2021. (рас.)
^ Беларускі батутыст Іван Літвіновіч выйграў золата Алімпіяды ў Токіа. // БелТА, 31 ліпеня 2021. (бел.)
^ ^а ^б Батутыст Іван Літвіновіч заваяваў першы залаты мэдаль Беларусі на Алімпіядзе ў Токіё, Радыё Свабода, 31-07-2021
^ Владимир Нестерович. В столице прошло чествование атлетов и тренеров. Иван Литвинович награждён Почётной грамотой Минспорта. // Шлях Перамогі, 9 студзеня 2020. (рас.)
^ У Беларусі — першы медаль на Алімпіядзе ў Токіа. Батутыст Іван Літвіновіч з Вілейкі заваяваў «золата»

Вонкавыя спасылкі

Профіль на сайце Алімпійскіх гульняў 2020 (анг.)
Малады батутыст Іван Літвіновіч: Я зламаў сківіцу сваім жа каленам. // Звязда (бел.)

[_217e405758ff640e-1] а ^б Ivan Litvinovich // Olympedia (анг.) — 2006.

[sportedu.by-2] а ^б ^в Владимир Зданович. «Люблю скорость с детства — это моя стихия». Наш Спорт, № 02, февраль 2020. Праверана 2021-07-31 г.

[3] Студент и два выпускника БГУФК завоевали медали на КМ в Баку. // БГУФК, 2020. (бел.)

[4] Белорусские батутисты выиграли четыре награды на ЧЕ в Сочи. // БелТА, 1 мая 2021. (рас.)

[5] Беларускі батутыст Іван Літвіновіч выйграў золата Алімпіяды ў Токіа. // БелТА, 31 ліпеня 2021. (бел.)

[svaboda.azureedge.net-6] а ^б Батутыст Іван Літвіновіч заваяваў першы залаты мэдаль Беларусі на Алімпіядзе ў Токіё, Радыё Свабода, 31-07-2021

[7] Владимир Нестерович. В столице прошло чествование атлетов и тренеров. Иван Литвинович награждён Почётной грамотой Минспорта. // Шлях Перамогі, 9 студзеня 2020. (рас.)

[8] У Беларусі — першы медаль на Алімпіядзе ў Токіа. Батутыст Іван Літвіновіч з Вілейкі заваяваў «золата»

[1]

[2]

[3]

[4]

[5]

[6]

[7]

[8]