Уладзіслаў Ганчароў

	Уладзіслаў Ганчароў
Пэрсанальная інфармацыя
Нарадзіўся	2 сьнежня 1995 (28 гадоў); Віцебск
Грамадзянства	Беларусь
Прафэсійная інфармацыя
Спэцыялізацыя	Скачкі на батуце
	Скачкі на батуце (мужчыны)
	Летнія Алімпійскія гульні
	Эўрапейскія гульні
	Чэмпіянат сьвету
	Чэмпіянат Эўропы

Уладзісла́ў Але́гавіч Ганчаро́ў (нар. 2 сьнежня 1995 году, Віцебск, Віцебская вобласьць, Беларусь) — беларускі скакун на батуце. Майстар спорту Беларусі міжнароднай клясы. Алімпійскі чэмпіён 2016 году, срэбраны і бронзавы прызэр чэмпіянатаў сьвету 2014 і 2015 гадоў, чэмпіён Эўропы 2014 году, срэбраны прызэр Эўрапейскіх гульняў 2015 году.

Жыцьцяпіс[рэдагаваць | рэдагаваць крыніцу]

На Чэмпіянаце сьвету 2013 году ў асабістых спаборніцтвах заняў 8-е месца, у сынхронных скачках — 6-е месца^[1].

Срэбраны прызэр Эўрапейскіх гульняў 2015 году ў Баку ў асабістых і сынхронных скачках. У тым жа годзе на Чэмпіянаце сьвету ў Одэнсэ стаў срэбраным прызэрам у індывідуальных і сынхронных скачках і бронзавым у камандных спаборніцтвах^[1].

На Чэмпіянаце Эўропы 2014 году ў Гімарайншы заваяваў золата ў індывідуальных спаборніцтвах і бронзу ў камандных спаборніцтвах, у сынхронных скачках заняў пятае месца. У тым жа годзе на Чэмпіянаце сьвету ў Дэйтона-Біч стаў срэбраным прызэрам у сынхронных скачках і бронзавым у індывідуальных спаборніцтвах^[1].

На чэмпіянаце Эўропы 2016 году ў Вальядалідзе заваяваў золата ў асабістых і сынхронных скачках і срэбра ў камандных спаборніцтвах^[1]. У тым жа годзе дэбютаваў на летніх Алімпійскіх гульнях у Рыё-дэ-Жанэйра, дзе 13 жніўня ў індывідуальных скачках з адзнакай 61,745 балу заваяваў першы залаты мэдаль Беларусі на гэтых Гульнях.