Іван Арабейка

Іван Арабейка
Асабістыя зьвесткі
Імя пры нараджэньні	Іван Сяргеевіч Арабейка
Нарадзіўся	26 сакавіка 1942 в. Хмелева, Жабінкаўскі раён, Берасьцейская вобласьць
Літаратурная дзейнасьць
Род дзейнасьці	паэт
Жанр	вершы
Мова	беларуская
Дэбют	1963
Узнагароды	Літаратурная прэмія імя Ўладзімера Калесьніка[d] (2012)

Іва́н Арабе́йка (26 сакавіка 1942, в. Хмелева, Жабінкаўскі раён, Берасьцейская вобласьць) — беларускі паэт.

Біяграфія

Нарадзіўся 26 сакавіка 1942 у вёсцы Хмелева ў сялянскай сям’і. У 1964 годзе скончыў хіміка-тэхналягічны факультэт Беларускага політэхнічнага інстытуту. Тры гады працаваў на шклозаводзе «Нёман». З 1968 году працаваў у Берасьці майстарам зьмены на заводах зборнага жалезабэтону, газавай апаратуры. У 1969—1970 гадох працаваў выкладчыкам інжынэрна-будаўнічага інстытуту. У 1973—1975 гадох быў галоўным інжынэрам спэцкамбінату камунальна-бытавога абслугоўваньня. З 1975 году працаваў старшым экспэртам Берасьцейскага аддзяленьня Гандлёва-прамысловай палаты БССР. Чалец Саюзу пісьменьнікаў СССР з 1979 году.

Творчасьць

Першы верш надрукаваў у 1963 годзе. Аўтар зборнікаў паэзіі «Услед за сонцам» (1972), «Асенні ранак» (1978).

Бібліяграфія

• Арабейка, І. С. Сказаць хачу : вершы / Іван Арабейка; [прадмова А. Каско]. — Берасьце, Альтернатива, 2012

Сям’я

Мае жонку Вольгу, сына Івана, у якога пяцёра дзяцей, з іх — дзьве двойні.

Адна з унучак Яна Арабейка падчас пратэстаў у Беларусі 2020—2021 гадоў была арыштаваная 12 лістапада 2020 года ў рамках справы студэнтаў і выкладчыкаў ВНУ(be) паводле артыкулу 342 Крымінальнага кодэксу Рэспублікі Беларусь разам зь 10 іншымі актывістамі студэнцкага руху. Прызнаная палітычнаю зьняволенаю.