Юрка Віцьбіч

Юрка Віцьбіч (таксама Юрка Стукаліч, Алесь Крыжаніч; сапраўднае імя — Серафім Шчарбакоў; 2 чэрвеня 1905 — 6 студзеня 1975) — беларускі пісьменьнік, публіцыст, краязнаўца і дзеяч эміграцыі ў Амэрыцы. Нарадзіўся ў Вяліжы Віцебскай губэрні, памёр у Саўт-Рывэры, штат Нью-Джэрзі, ЗША. Падчас нямецкай акупацыі браў удзел у культурным жыцьці Беларусі, у 1943 годзе перавёз зь Віцебску ў Полацак парэшткі Эўфрасіньні Полацкай. У 1944 годзе выехаў на Захад. Выступаў на Радыё Свабода, заснаваў літаратурную суполку «Шыпшына», арганізаваў выданьне часапісу «Зьвіняць званы Сьвятой Сафіі», рэдагаваў «Беларускі голас», друкаваўся ў іншых СМІ.

Вонкавыя спасылкі

• Юрка Віцьбіч — гісторык, пісьменьнік, публіцыст (БАЗА)
• Юрка Віцьбіч. Плыве з-пад Сьвятое Гары Нёман (Палічка)
• На 100-гадовы юбілей Юрка Віцьбіч быў уганараваны адно толькі ганкам (Радыё Свабода)
• Творы на «Беларускай Палічцы»