Касьцюшка (гара)

Касьцюшка
Найвышэйшы пункт
Вышыня	2228 м н. у. м.
Адносная вышыня	2228 м н. у. м.
Ізаляцыя	1895 км н. у. м.
Геаграфічныя каардынаты	36°27′21″ пд. ш. 148°15′48″ у. д.
Геаграфія
Месцазнаходжаньне	На поўдні штату Новы Паўднёвы Ўэйлз
Кантынэнт	Аўстралія
Краіна	Аўстралія
Горная сыстэма	Аўстралійскія Альпы
Узыходжаньне
Першае ўзыходжаньне	1840 Павал Эдмунд Стршэлецкі
Клясычны маршрут	Усходні склон (пешшу)
Касьцюшка на мапе Аўстраліі Касьцюшка
Касьцюшка ў Вікісховішчы

Касьцю́шка — найвышэйшая гара Аўстраліі ў складзе Сьнежных гор.

Паходжаньне назвы

Абарыґены лічаць гару сьвятою й завуць Тар-Ган-Жыў. Цяперашнюю назву гара атрымала ў 1840 годзе, калі на яе ўзышоў польскі вандроўца й геоляг граф Павал Эдмунд Стршэлецкі. Зь яго падачы гару назвалі імем генэрала Андрэя Тадэвуша Банавэнтуры Касьцюшкі — нацыянальнага героя Беларусі, Польшчы й ЗША.

Дадатковыя зьвесткі

• Касьцюшка доўгі час лічылася самай высокай гарой у Аўстралійскіх Альпах. Аднак, пазьнейшыя дасьледаваньні ўсталявалі, што гара Таўнсэнд зьяўляецца найвышэйшай. З павагі да Паўла Эдмунда Стршэлецкага, улады пераназвалі Касьцюшка ў Таўнсэнд, а Таўнсэнд у Касьцюшка.
• Менавіта тут калісьці шукалі капітана Гранта яго дзеці, з аднайменнай кнігі Жуля Вэрна.
• Гэта адна з самых ветлых і ўладкаваных вяршыняў сьвету. На яе папросту можна падняцца, прычым літаральна з усімі выгодамі. З-за адмысловай папулярнасьці ў турыстаў, на вяршыні гары адміністрацыя была змушана пабудаваць самы высокі ў Аўстраліі, ды і, мабыць, ва ўсім сьвеце туалет.

Вонкавыя спасылкі

• Mt Kosciuszko Inc (анг.) (пол.) — сайт пра гару Касьцюшка
• Фота гары (анг.)