Канстанцін Аляксееўскі

	Канстанцін Аляксееўскі; лац. Kanstancin Alaksiejeŭski
	15 верасьня 1855 — па 1918
Месца нараджэньня	Віленская губэрня, Расейская імпэрыя;
Прыналежнасьць	Расейская імпэрыя
Род войскаў	артылерыя
Гады службы	1873—1917
Званьне	генэрал-лейтэнант
Узнагароды	Ордэн Сьвятой Ганны Ордэн Сьвятога Станіслава I ступені Ордэн Сьвятога Ўладзімера III ступені Ордэн Сьвятога Станіслава III ступені

Канстанці́н Аляксе́евіч Аляксе́еўскі (15 верасьня 1855, Віленская губэрня — па 1918) — вайсковец, удзельнік беларускага нацыянальна-вызвольнага руху пачатку XX ст. Генэрал-лейтэнант (1916).

Біяграфія

З шляхецкага роду Віленшчыны. Скончыў Полацкую вайсковую гімназію, паступіў на службу 10 жніўня 1873 году. У 1875 годзе скончыў 2-ю Канстанцінаўскую вайсковую вучэльню. У 1908—1911 гадох быў камандзірам 1-й Уладзівастоцкай крапасной артылерыйскай брыгады. У 1909 годзе атрымаў годнасьць генэрал-маёра. У 1915 годзе стаў начальнікам артылерыі Свэаборскай крэпасьці. З 1916 году — генэрал-лейтэнант.

Увесну 1917 году ў Выбаргу далучыўся да арганізацыі матросаў-беларусаў Балтыйскага флёту^[1]. Абіраўся ў склад Рады старэйшынаў на Першым Усебеларускім зьездзе ў сьнежні 1917 году. Заклікаў адрадзіць Беларускую дзяржаву, на зьездзе выступіў у абарону беларускага нацыянальнага бел-чырвона-белага сьцяга. У 1918 годзе атрымаў запрашэньне ад Рады Беларускай Народнай Рэспублікі ў Менск дзеля фарманьня беларускай нацыянальнай арміі^[2].

Аўтар «Успамінаў пра Ўсебеларускі зьезд у месьце Менску» ў часопісе «Чырвоны шлях» (1918, № 1—2), дзе пакінуў зварот да беларускай моладзі «няхай жыве на вякі [вольная Беларусь]»^[3].

Крыніцы

^ Баршчэўскі А. Беларуская эміграцыйная пісьмовасьць. Ч. 1. — Варшава, 2004. С. 192.
^ Скалабан В. Аляксееўскі Канстанцін Аляксеевіч // ЭГБ. — Мн.: 1993 Т. 1. С. 111.
^ Алексеевский К. Воспоминание о Всебелорусском съезде в г. Минске // Чырвоны шлях. № 1—2, 19.07.1918. С. 10.

Літаратура

Баршчэўскі А. Беларуская эміграцыйная пісьмовасьць. Ч. 1. — Варшава: Катэдра беларускай філялёгіі Факультэту прыкладной лінгвістыкі і ўсходнеславянскіх філялёгіяў Варшаўскага ўнівэрсытэту, 2004. ISBN 83-920472-1-4.
Лаўрэш Л. Генералы БНР // Наша слова. № 5 (1364), 31 студзеня 2018 г.
Энцыклапедыя гісторыі Беларусі. У 6 т. / Беларус. Энцыкл.; Рэдкал.: М. В. Біч і інш.; Прадм. М. Ткачова; Маст. Э. Э. Жакевіч. — Мн.: БелЭн, 1993. — Т. 1: А — Беліца. — 494 с. — ISBN 5-85700-074-2

Вонкавыя спасылкі

Канстанцін Алексяеўскі, Рада Беларускай Народнай Рэспублікі, 3 верасьня 2019 г.

[1] Баршчэўскі А. Беларуская эміграцыйная пісьмовасьць. Ч. 1. — Варшава, 2004. С. 192.

[2] Скалабан В. Аляксееўскі Канстанцін Аляксеевіч // ЭГБ. — Мн.: 1993 Т. 1. С. 111.

[Cyrvony_slach-3] Алексеевский К. Воспоминание о Всебелорусском съезде в г. Минске // Чырвоны шлях. № 1—2, 19.07.1918. С. 10.

[1]

[2]

[3]