1-я дывізія «Янашык»

1-я дывізія «Янашык»
1. divízia „Jánošík“
Гады існаваньня	26 жніўня — 7 кастрычніка 1939 году
Краіна	Славаччына
Уваходзіць у	Палявая армія «Бэрналак»
Тып	пяхота
Функцыя	падтрыманьне нямецкага наступленьня
Войны	Другая сусьветная вайна
Удзел у	Уварваньне ў Польшчу
Вядомыя камандзіры	Антон Пуланіх

1-я дывізія «Янашык» (па-славацку: 1. divízia „Jánošík“) — баявая адзінка Першае Славацкае Рэспублікі, утвораная напярэдадні ўварваньня ў Польшчу.

Фармаваньне

Мабілізацыя славацкага войска пачалася 26 жніўня 1939 году. Таксама 26 жніўня ўжо быў выдадзены прыказ на перадысьлякацыю дывізіі на лінію Левача—Сьпішске-Подградзьдзе—Сьпішска-Нова-Вес—Прэшаў. На другі дзень камандоўства дывізіі было накіраванае ў Сьпішску-Нову-Вес. 31 жніўня дывізія была ўзмоцненая 1-ым пяхотным полкам, які быў вылучаны са складу 3-й дывізіі. Таксама да дывізіі далучыўся 6-ы пяхотны полк, які быў ўтвораны ў выніку задзіночаньня 1-га, 3-га і 4-га самастойных батальёнаў. Да гэтага 6-ы пяхотны полк належыў да 2-й дывізіі. Аднак адначасова з дывізіі былі вылучаныя 5-ы пяхотны полк як мабільны рэзэрв і 2-і самастойны батальён, які разам з 5-м і 6-м самастойным батальёнам утварыў 21-ы пяхотны полк у складзе 3-й дывізіі.

Склад

Склад напярэдадні ўварваньня

• Камандовец дывізіі — генэрал другой клясы Антон Пуланіх.
• 1-ы пяхотны полк «Палё» — камандовец падпалкоўнік пяхоты Павэл Куна.
• 4-ы пяхотны полк «Ёзэф» — камандовец падпалкоўнік пяхоты Ладзіслаў Бодзіцкі (з 14 верасьня — маёр пяхоты Эміл Крываш).
• 6-ы пяхотны полк — камандовец маёр пяхоты Мікулаш Маркус.
• 1-ы гарматны полк — камандовец маёр артылерыі Мірка Вэсэл.

Склад на 11 верасьня 1939 году

• Камандоўскі штаб (Сьпішска-Нова-Вес)
• 1-ы пяхотны полк (Сьпішске-Подградзьдзе)
• 4-ы пяхотны полк (Подалінец)
• 6-ы пяхотны полк (Левача)
• 1-ы гарматны полк (Сьпішске-Ўлахі)
• 4-ы гарматны полк (Кежмарак)
• III/2 гарматны дывізіён (Сьміжаны)
• Сапэрныя часткі, часткі сувязі, вялікакаліберныя кулямёты (каля Сьпішскай-Новай-Весі)

Склад на 18 верасьня

• Камандоўскі штаб (Сьпішска-Нова-Вес)
• 4-ы пяхотны полк (Попрад)
• 6-ы пяхотны полк (Грабушыцэ)
• 35-ы пяхотны полк (Левача)
• 1-ы гарматны полк (Сьпішска-Нова-Вес)
• II/4 гарматны дывізіён (дакладна невядома)
• 1-я матарызаваная сапэрная рота (Мэдзілаборцэ)
• Моставае ўсталяваньне ч.1 (Сьпішска-Нова-Вес)
• 1 вялікакаліберны кулямёт супраць лётніцтва (Мэдзілаборцэ)
• Батальён сувязі (Сьпішска-Нова-Вес)

Вонкавыя спасылкі

• Igor Baka Slovenská republika a nacistická agresia proti Poľsku. — 2006. — С. 47, 87. — ISBN 80-969375-1-0