Сяргей Сурыновіч

	Сяргей Сурыновіч
Адукацыя	Гарадзенская вышэйшая духоўная сэмінарыя[d]; Марыя — Царыца Апосталаў[d];
Дзейнасьць	маляр, паэт
Нарадзіўся	13 красавіка 1976 (48 гадоў); Лугамавічы, Лелюкінскі сельсавет, Івейскі раён, Гарадзенская вобласьць, БССР, СССР;

Сярге́й Сурыно́віч (псэўд. Яўген Бартніцкі; нар. 13 красавіка 1976, в. Лугамавічы, Івейскі раён) — беларускі бібліст, доктар біблійнай тэалёгіі^[1], сьвятар рымскага абраду.

Біяграфія

Нарадзіўся 13 красавіка 1976 у вёсцы Лугамавічы Івейскага раёну ў сям’і настаўніка. У 1993 годзе скончыў Івейскую сярэднюю школу, а адначасова зь ёй музычную па клясе баяна. З 1993 году вучыўся ў Гарадзенскае духоўнай сэмінарыі, а з 1997 у Пецярбурскае духоўнай сэмінарыі, якую пасьпяхова скончыў у 2000 годзе, абараняючы працу па багаслоўі ў Лятэранскім унівэрсытэце ў Рыме, магістар тэалёгіі. У 1999—2000 рэдагаваў газэту «Krynica» Таварыства беларусаў Санкт-Пецярбурга. Застаўся ў Расеі і потым служыў на Каўказе, Урале (Перм), у Калінінградзе. З 2002 выкладаў беларускую мову ў Пермскім дзяржаўным пэдунівэрсытэце. Служыў у Віцебску як пробашч парафіі Сьвятога Духа (да 2008 г.). Служыў пробашчам парафіі Божага Провіду ў Слабодцы Браслаўскага раёну (да 2012 г.). Цяпер служыць пробашчам у касьцёле Найсьвяцейшай Тройцы і кляштары бернардынаў у Друі.

Навуковая дзейнасьць

У 2019 годзе ва Ўнівэрсытэце кардынала Стэфана Вышынскага ў Варшаве (Польшча) абараніў доктарскую дысэртацыю. Абароненая праца была напісана на катэдры экзэгетыкі Новага Запавету тэалягічнага факультэту Інстытуту біблійных навук на тэму: «Прынцыпы ўтварэньня антрапонімаў і тапонімаў у перакладах Новага Запавету на сучасную беларускую мову»^[2].

Аўтар практычнай транскрыпцыі імён уласных і геаграфічных назваў з старажытнагрэцкай мовы^[3].

Ад 2008 году Сяргей Сурыновіч пачаў працу па алічбоўваньні ўсіх вядомых беларускіх перакладаў Бібліі.

Валодае іўрытам, грэцкай, польскай, нямецкай, украінскай мовамі.

Творчасьць

Дэбютаваў вершаванай містэрыяй для дзяцей «Батлейка» («Дыялог», 1998). Аўтар зборнікаў паэзіі «Летуценьнік» (1999), «Пакліканьне» (2000). Больш за 50 публікацыяў у беларускім друку, вершы айца Сяргея друкаваліся ў часопісах «Дыялог», «Беларусь», у газэтах «Наша слова», «Голас Радзімы», «Царква».

Арганізатар Друйскага мастацкага пленэру^[4].

Крыніцы

^ Наша Ніва Ксёндз Сяргей Сурыновіч абараніў у Польшчы доктарскую дысертацыю па перакладах Новага запавету на беларускую // Наша Ніва. — 2019.
^ Партал Каталіцкага Касцёла ў Беларусі Кс. Сяргей Сурыновіч абараніў у Польшчы доктарскую дысертацыю па біблійнай тэалогіі. — 2019.
^ Сяргей Сурыновіч Практычная транскрыпцыя імён уласных і геаграфічных назваў са старажытнагрэцкай мовы // Acta Albaruthenica. — Варшава: Katedra Białorutenistyki Uniwersytetu Warszawskiego, 2015. — Т. 15. — С. 171-180.
^ Ніна Шчарбачэвіч На «Скарынэры» ў Друі створана 150 новых работ. — 2017.

Вонкавыя спасылкі

Яўген Бартніцкі. Родныя вобразы

[1] Наша Ніва Ксёндз Сяргей Сурыновіч абараніў у Польшчы доктарскую дысертацыю па перакладах Новага запавету на беларускую // Наша Ніва. — 2019.

[2] Партал Каталіцкага Касцёла ў Беларусі Кс. Сяргей Сурыновіч абараніў у Польшчы доктарскую дысертацыю па біблійнай тэалогіі. — 2019.

[3] Сяргей Сурыновіч Практычная транскрыпцыя імён уласных і геаграфічных назваў са старажытнагрэцкай мовы // Acta Albaruthenica. — Варшава: Katedra Białorutenistyki Uniwersytetu Warszawskiego, 2015. — Т. 15. — С. 171-180.

[4] Ніна Шчарбачэвіч На «Скарынэры» ў Друі створана 150 новых работ. — 2017.

[1]

[2]

[3]

[4]