Перайсьці да зьместу

Яніс Рыцас

Зьвесткі зь Вікіпэдыі — вольнай энцыкляпэдыі
Яніс Рыцас
Γιάννης Ρίτσος
Асабістыя зьвесткі
Нарадзіўся 1 траўня 1909
Манемвасія, Грэцыя
Памёр 11 лістапада 1990 (81 год)
Атэны
Пахаваны
Дзеці Eri Ritsos[d]
Літаратурная дзейнасьць
Род дзейнасьці паэт, пісьменьнік, перакладчык, палітык
Гады творчасьці з 1934
Жанр верш, проза
Мова грэцкая
Узнагароды
Подпіс Выява аўтографу

Яніс Рыцас (па-грэцку: Γιάννης Ρίτσος; 1 траўня 1909, Манемвасія, Грэцыя — 11 лістапада 1990) — грэцкі пісьменьнік.

У 1948—1952 і 1967—1974 гг. зьняволены ўладамі Грэцыі.

Яго сацыяльна-палітычныя погляды адлюстраваны ў зборніку вершаў «Трактары» (1934), паэмах «Эпітафіі» (1936), «Песьня для маёй сястры» (1937), дзе дамінуе імпрэсіянісцкае ўспрыманьне рэчаіснасьці. У зборніках лірыкі «Выпрабаваньні» (1943), «Каменны час» (1949), «Бяссоньне» (1954), «Дзёньнікі высылкі» (1975), «Нататкі сьляпога» (1979), «Карані Элінства» (1981), паэмах «Марш акіяну» (1940), «Ранішняя зорка» (1955), «Няскораны горад» (1958), «Мост» (1960), «Васямнаццаць мелёдый горкай радзімы» (1973), «Граганда», «Званіца» (абедзьве 1974) імкненьне дасягнуць глыбінь чалавечай душы, спасьцігнуць таямніцы жыцьця.

Сюррэалістычныя рысы ўласьцівыя вершам зборнікаў «Архітэктура дрэў» (1958), «Сьведчаньні» (ч. 1—2, 1963—1966). У раманах «Асьцярожны Арыёст» (1982), «Што за дзіўныя рэчы!» (1983), «Штуршком локця» (1984) паказана жыцьцё грэцкай правінцыі.

Рыцас пераклаў верш Я. Купалы «А хто там ідзе?» (1983). На беларускую мову яго вершы перакладала Алена Кобец-Філімонава.

Беларускія пераклады[рэдагаваць | рэдагаваць крыніцу]

  • Макронісас. Мн., 1973.

Літаратура[рэдагаваць | рэдагаваць крыніцу]