Яблычны штрудэль
| Яблычны штрудэль | |
 | |
| Тып | выпек |
|---|---|
| Нацыянальная страва | аўстрыйская, чэская, вугорская |
| Паходжаньне | Аўстрыя |
| Асноўны складнік | |
| Распаўсюджаныя складнікі | мука, яйка, цукар, яблык, карыца, разынкі |
Я́блычны штру́дэль (па-нямецку: Apfelstrudel; па-чэску: štrúdl) — традыцыйны венскі штрудэль, папулярны выпек ў Аўстрыі, Паўночнай Італіі і шматлікіх іншых краінах Эўропы, якія калісьці складалі Аўстра-Вугорскую імпэрыю.
Гісторыя
[рэдагаваць | рэдагаваць крыніцу]
Самы старажытны рэцэпт штрудэляў паходзіць з 1697 году. Гэта рукапісны рэцэпт, які разьмешчаны ў гарадзкой бібліятэцы венскае ратушы. Зьяўляючыся салодкім альбо пікантным печывам з слаістага цеста і начыньнем ўнутры, штрудэль набыў папулярнасьць у XVIII стагодзьдзі дзякуючы імпэрыі Габсбургаў. Аўстрыйская кухня сфармавалася і паўплывала на кухні розных народаў на працягу многіх стагодзьдзяў праз пашырэньне Аўстрыйскае імпэрыі. Штрудэль зьвязаны з выпекам пахлавы Асманскае імпэрыі, якая зьявілася ў Аўстрыі з турэцкае кухні праз вугорскую кухню.
Штрудэль асацыюецца з аўстрыйскай кухняй, але таксама зьяўляецца традыцыйным выпекам ва ўсёй вобласьці, якая раней належала Аўстра-Вугорскай імпэрыі. У гэтых краінах яблычны штрудэль зьяўляецца найбольш шырока вядомым тыпам штрудэляў[1]. Яблычны штрудэль лічыцца нацыянальнай стравай Аўстрыі і стаіць у адным шэрагу зь венскім шніцэлем і тафэльшпіцам.
Апісаньне
[рэдагаваць | рэдагаваць крыніцу]Яблычны штрудэль складаецца з выцяжнога цеста зь яблычным начыньнем унутры. Начыньне робіцца зь цёртых прыгатаваных яблыкаў, цукру, карыцы[2], разынак і хлебных крошак. Дзеля прыгатаваньня штрудэля выкарыстоўваюць прэснае цеста. Цеста паводле клясычнага рэцэпту складаецца з мукі, масла (або сьметанковага масла) і солі, аднак існуе шмат розных іншых варыяцыяў цеста. Цеста для прыгатаваньне штрудэляў ёсьць тонкім і эластычным[3], яно складаецца з мноства тонкіх слаёў. Традыцыйная падрыхтоўка такога цеста ёсьць складаным працэсам. У традыцыйным венскім штрудэлі начыньне размяркоўваецца па 3/4 цеста, якой потым скручваецца такім чынам, каб начыньне знаходзілася ўнутры.
Крыніцы
[рэдагаваць | рэдагаваць крыніцу]- ^ Gundel, Karoly (1992). «Gundel's Hungarian cookbook». Budapest: Corvina. — С. 127.— ISBN 963-13-3600-X.
- ^ «Wiener Apfelstrudel». Gute Küche.
- ^ «Strudel Dough». Pastry Chef Central.
Вонкавыя спасылкі
[рэдагаваць | рэдагаваць крыніцу]- Яблычны штрудэль. All Recipes.
- Яблычны штрудэль. Food Network.