Юры Глябовіч (сын Глеба)
Юры Глябовіч гербу Ляліва († пасьля 1520) — старэйшы сын Глебу, ваяводы смаленскага і Ганны Рачкаўны, дзяржаўны дзяяч ВКЛ.
Намесьнік смаленскі (1492—99), староста жамойцкі (з 1494), намесьнік аршанскі і аболецкі (1500—01), намесьнік віцебскі (1503—08) і смаленскі (1508—14), староста мерацкі (з 1514) і ваўкавыскі (з 1520). У 1506 увайшоў у склад пасольства да вялікага князя маскоўскага. У час вайны з Масквою 1512—1522 гг у 1513 абараняў Смаленск ад маскоўскага войска разам са сваім сынам Мікалаем Глябовічам.