Юзэф Альшына-Вільчынскі

	Юзэф Альшына-Вільчынскі; Józef Olszyna-Wilczyński
	27 лістапада 1890 — 22 верасьня 1939 (48 гадоў)
	Юзаф Альшына-Вільчынскі, паміж 1927-1936
Месца нараджэньня	Кракаў
Месца сьмерці	Сапоцкін
Прыналежнасьць	Аўстра-Вугоршчына, Польшча
Род войскаў	пяхота
Гады службы	Аўстра-Вугоршчына: 1914—1918 ; Польшча: 1918—1939
Званьне	генэрал брыгады
Бітвы/войны	Першая сусьветная вайна; Польска-савецкая вайна; Другая сусьветная вайна
	Юзэф Альшына-Вільчынскі ў Вікісховішчы

Юзэф Альшына-Вільчынскі (па-польску: Józef Olszyna-Wilczyński; нар. 27 лістапада 1890 году ў Кракаве — пам. 22 верасьня 1939 году ў Сапоцкіне^[2]) — польскі вайсковец, генэрал брыгады (з 1927 году).

Служыў у аўстра-вугорскім войску. З 1918 году ў польскай арміі. Удзельнічаў у вайне з украінцамі і бальшавікамі. У 1923 годзе служыў у Міністэрстве вайсковых справаў. У 1924—27 гадох служыў у Корпусе Аховы Памежжа. У 1927—1935 гадох быў камандзірам 10 Дывізіі пяхоты ў Лодзі. У 1938 годзе стаў камандзірам акругі КАП у Горадні. Быў кавалерам многіх ордэнаў і мэдалёў.

У 1939 годзе камандаваў Асобнай апэрацыйнай групай «Горадня». Пасьля атрыманьня загаду распусьціць атрады застаўся ў Сапоцкіне, магчыма для арганізацыі кансьпірацыі. 22 верасьня аўтамабіль, якім ехаў разам з ад’ютантам і жонкай, быў затрыманы чырвонаармейцамі. У пасажыраў адабралі каштоўныя прадметы, пасьля чаго чырвонаармейцы адвялі польскіх вайскоўцаў у бок і там жорстка закатавалі. Жонка генэрала была вызваленая, саветы аддалі ей цела мужа^[3]. Паводле расейскай вэрсіі, якой супярэчыць рэляцыя жонкі генэрала і яго кіроўцы, Юзаф Альшына-Вільчынскі загінуў у баі^[4].

Юзэф Альшына-Вільчынскі быў пахаваны ў Сапоцкіне^[5].

Крыніцы

^ ^а ^б ^в Józef Konstanty Olszyna-Wilczyński (pierwotnie Wilczyński) // Польскі біяграфічны інтэрнэт-слоўнік (пол.)
^ Olszyna-Wilczyński Józef Konstanty // Internetowa encyklopedia PWN (пол.)
^ Mord na generale, «Nóż w plecy. Dodatek specjalny „Rzeczpospolitej“ oraz Urzędu do spraw Kombatantów i Osób Represjonowanych», s. 17, 17.09.2009, ISSN 0208-9130 (пол.)
^ Dariusz Baliszewski, Tajemnica generała Olszyny // Wprost nr 41/2006 (1243) (пол.)
^ Вандроўка па Гарадзеншчыне // budzma.org

[_05d20539c3a60f83-1] а ^б ^в Józef Konstanty Olszyna-Wilczyński (pierwotnie Wilczyński) // Польскі біяграфічны інтэрнэт-слоўнік (пол.)

[2] Olszyna-Wilczyński Józef Konstanty // Internetowa encyklopedia PWN (пол.)

[3] Mord na generale, «Nóż w plecy. Dodatek specjalny „Rzeczpospolitej“ oraz Urzędu do spraw Kombatantów i Osób Represjonowanych», s. 17, 17.09.2009, ISSN 0208-9130 (пол.)

[4] Dariusz Baliszewski, Tajemnica generała Olszyny // Wprost nr 41/2006 (1243) (пол.)

[5] Вандроўка па Гарадзеншчыне // budzma.org

[1]

[2]

[3]

[4]

[5]