Эстэбан Гранэра
| Эстэбан Гранэра | ||
 | ||
| Пэрсанальная інфармацыя | ||
|---|---|---|
| Нарадзіўся | 2 ліпеня 1987[1][2][3] (38 гадоў) | |
| Рост | 180 см | |
| Вага | 77 кг | |
| Пазыцыя | паўабаронца | |
| Клюбы | ||
| Гады | Клюб | Гульні (галы)¹ |
| 2004—2006 | Рэал Мадрыд C[d] | 48 (9) |
| 2006—2008 | Рэал М. Кастыльля[d] | 37 (4) |
| 2007—2008 | → Хэтафэ | 27 (3) |
| 2008—2009 | Хэтафэ | 35 (5) |
| 2009—2012 | Рэал Мадрыд | 67 (4) |
| 2012—2014 | Кўінз Парк Рэйнджарз | 25 (1) |
| 2013—2014 | → Рэал Сасьедад | 4 (0) |
| 2014—2017 | Рэал Сасьедад | 67 (0) |
| 2017—2020 | Эспанёл | 64 (5) |
| 2020—2021 | Марбэльля[d] | 29 (3) |
| Зборныя | ||
| 2006 | Гішпанія (да 19)[d] | 9 (1) |
| 2007—2009 | Гішпанія (да 21)[d] | 10 (2) |
| 2007 | Гішпанія (да 20)[d] | 5 (0) |
Эстэбан Фэлікс Гранэра Маліна (па-гішпанску: Esteban Félix Granero Molina; нар. 2 ліпеня 1987 году, Мадрыд, Гішпанія) — гішпанскі футбаліст. Унівэрсальны паўабаронца, вядомы ў Гішпані як «пірат» (гішп. El Pirata), Гранэра мог згуляць як цэнтральнага паўабаронцу, гэтак і крэатыўнага паўабаронцу-распасоўніка, а пры патрэбе мог згуляць і на правым флянзе паўабароны. Асноўным ягоным амплюа лічылася пазыцыя плэймэйкера. Мянушка жа «пірат» замацавалася за ім наступным чынам. Як прызнаецца сам Эстэбан, ён ня ведаў, як сьвяткаваць свае забітыя мячы, і не прыдумаў нічога арыгінальнага, як пачаць зачыняць адно вока далоньню. Журналісты тут жа прыдумалі яму мянушку, гледзячы на гэты жэст, а таксама на ягоныя ўскудлачаныя валасы й пацешную бараду[4].
Кар’ера
[рэдагаваць | рэдагаваць код]Раньнія гады
[рэдагаваць | рэдагаваць код]Эстэбан Гранэра прыйшоў у футбольную школу «Рэала» ва ўзросьце 8 гадоў і амаль адразу пачаў дэманстраваць там свой талент. Яму даверылі пазыцыю нападніка. У адзін з сэзонаў Гранэра забіў 83 галы ў чэмпіянаце да 10 гадоў. Як ён сказаў у адным са сваіх інтэрвію: «…проста сакрэт у тым, што я тады быў вышэй за ўсіх астатніх. Я біў мацней за іншых і быў мацней за ўсіх. Потым я вырас, цела сфармавалася і ўсё збалянсавалася, і мяне адсунулі ў цэнтар поля».
Гранэра гуляў за другую і трэцюю каманды «Рэала».
«Хэтафэ»
[рэдагаваць | рэдагаваць код]31 жніўня 2007 году, у апошні дзень трансфэрнага акна, Гранэра разам са сваім напарнікам па «Рэалу» Рубэнам дэ ля Рэдам перайшоў у склад «Хэтафэ». Дэбютаваў за «Хэтафэ» 16 верасьня 2007 году, у матчы 3-га тура чэмпіянату Гішпаніі супраць «Эспанёла». Але ягоны дэбют быў некалькі сапсаваны. «Хэтафэ» атрымаў паразу, а ён сам Эстэбан атрымаў чырвоную картку[5].
«Рэал Мадрыд»
[рэдагаваць | рэдагаваць код]21 ліпеня 2009 году «Рэал Мадрыд» ажыцьцявіў выкуп гульца, як паведамляецца, за € 4 млн[6]. Ягоны першы афіцыйны матч у складзе новага клюбу адбыўся 12 верасьня 2009 году ў матчы супраць «Эспанёла», дзе сталічныя гульцы перамаглі зь лікам 3:0[7].
Дасягненьні
[рэдагаваць | рэдагаваць код]«Рэал»:
- Чэмпіён Гішпаніі: 2012
- Уладальнік Кубка Гішпаніі: 2011
- Уладальнік Супэркубка Гішпаніі: 2012
Крыніцы
[рэдагаваць | рэдагаваць код]- ↑ Esteban Granero // Transfermarkt (мн.) — 2000.
- ↑ GRANERO esteban molina // Argentine Soccer Database (гішп.)
- ↑ Esteban Granero Molina // As (гішп.) — Madrid: PRISA, 1967. — ISSN 1888-6671
- ↑ «С господством „Барселоны“ будет покончено!» RealMadrid.ru
- ↑ Эспанёл — Хэтафэ. www.championat.ru
- ↑ «Granero returns to Real». Sky Sports.
- ↑ «Madrid maintain perfect start». ESPN Soccernet
Вонкавыя спасылкі
[рэдагаваць | рэдагаваць код]- Профіль на афіцыйным сайце «Рэал Мадрыд» (анг.) (гішп.)
- Нарадзіліся 2 ліпеня
- Нарадзіліся ў 1987 годзе
- Нарадзіліся ў Гішпаніі
- Футбалісты клюбу «Рэал Мадрыд Кастыльля»
- Футбалісты клюбу «Хэтафэ»
- Футбалісты клюбу «Рэал» Мадрыд
- Футбалісты клюбу «Кўінз Парк Рэйнджарз»
- Футбалісты клюбу «Рэал Сасьедад» Сан-Сэбастыян
- Футбалісты клюбу «Эспанёл» Барсэлёна
- Гішпанскія футбалісты