Эрэбру

Эрэбру
швэдз. *Örebro*
	Эрэбру; швэдз. Örebro
	Населены пункт
	Замак Эрэбру
Краіна	Швэцыя
Лэн	Эрэбру
Дата заснаваньня	1200
Геаграфія
Плошча	42,96 км²
Вышыня НУМ	34 ± 1 м
Часавы пас	UTC+1; UTC+2 (летні час);
Каардынаты	59°16′26″ пн. ш. 15°12′48″ у. д.HGЯO
Насельніцтва
Колькасьць	115 765 чал. (2015)
Лічбавыя ідэнтыфікатары
Тэлефонны код	019
Паштовы індэкс	701 XX–703 XX
Сайт	www.orebro.se
	Эрэбру на мапе Швэцыі Эрэбру

Эрэбру (па-швэдзку: Örebro) — горад у Швэцыі, прыкладна за 200 км на захад ад Стакгольму, у ляндскапе Нэрке, адміністрацыйны цэнтар лэну Эрэбру й аднайменнай камуны. Насельніцтва на 2015 год — 115 765 чалавек (шостае месца сярод найбуйнейшых гарадоў Швэцыі).

Гісторыя

У XIII стагодзьдзі Эрэбру атрымаў гарадзкія прывілеі. У 1260-х гадох, прыкладна на тым месцы дзе цяпер знаходзіцца замак Эрэбру, была пабудавана фартэцыя, якая ў XIV стагодзьдзі была перабудаваная ва ўмацаваны замак. У тым сама стагодзьдзі пры кляштары Панны Марыі ўжо была адчынена школа. У 1434 Энгельбрэкт Энгельбрэктсан вызваліў Эрэбру ад датчанаў. У XVI стагодзьдзі горад становіцца месцам правядзеньня шэрагу Рыксдагаў, а Карл IX перабудаваў замак у стылі рэнэсанс. Два рыксдагі адбыліся ў Эрэбру й у XIX стагодзьдзі, а 12 ліпеня 1812 тут быў падпісаны Эрэбрускі мір паміж Ангельшчынай і Расеяй, накіраваны супраць напалеонаўскай Францыі. У 1863 была пабудавана новая ратуша. У 1970-х гадох у Эрэбру быў адчынены філіял Упсальскага ўнівэрсытэту, які ў 1977 становіцца Вышэйшай школай, а з 1999 — унівэрсытэтам.

Славутасьці

Замак Эрэбру (XIII стагодзьдзе)
Царква Санкт Нікалаічурка (Сьвятога Мікалая, XIII стагодзьдзе)
Музэй пад адкрытым небам Вадчопінг (старыя будынкі з Эрэбру)
Музэй лэну Эрэбру
Ваданапорная вежа «Грыб» (па-швэдзку: Svampen)
«Пятнаццаць мэтраў гісторыі» — пятнаццацімэтровая бронзавая і каменная лінія з гістарычнымі датамі, якая разьмешчана перад статуяй Карла XIV Югана, вышыня якой таксама 15 мэтраў.

Вонкавыя спасылкі

Эрэбру — сховішча мультымэдыйных матэрыялаў

Афіцыйны сайт камуны Эрэбру