Энэ Эргма

Энэ Эргма
дэпутат Рыйгікогу[d]
27 сакавіка 2011 — 23 сакавіка 2015
Прэзыдэнт Рыйгікогу[d]
31 сакавіка 2003 — 23 сакавіка 2006
Прэзыдэнт Рыйгікогу[d]
2 красавіка 2007 — 20 сакавіка 2014
дэпутат Рыйгікогу[d]
з 27 сакавіка 2007
Асабістыя зьвесткі
Нарадзілася:	29 лютага 1944(1944-02-29) (80 гадоў) Раквэрэ
Партыя:	Партыя Res Publica[d] (2006) Айчына (1 чэрвеня 2016) Партыя рэформаў Эстоніі[d]
Бацька:	Vambola Ergma[d]
Маці:	Helmi Ergma[d]
Адукацыя:	Маскоўскі дзяржаўны ўнівэрсытэт[d] ТУ
Узнагароды:
Энэ Эргма ў Вікісховішчы

Энэ Эргма (па-эстонску: Ene Ergma; нар. 29 лютага 1944, Раквэрэ) — эстонскі астрафізык і палітык, сябар Акадэміі навук Эстоніі. У 2003—2006 гг. была старшынёй Рыйгікогу (Парлямэнту Эстоніі), у 2007 годзе зноў пераабраная на гэты пост. З траўня 2007 году зьяўляецца намесьнікам старшыні партыі «Саюз Айчыны і Res Publica».

Адукацыя

Энэ Эргма скончыла Сярэднюю школу імя К. Р. Якабсона ў горадзе Вільяндзі (1962). Яна вучылася на фізычным факультэце Тартускага ўнівэрсытэту (1962—1964) і скончыла астранамічная аддзяленьне фізычнага факультэту МДУ (1969). Там жа атрымала званьне кандыдата фізыка-матэматычных навук (1972), а ў 1984 г. абараніла доктарскую дысэртацыю па тэме «няўстойлівае гарэньне тэрмаядзернага паліва на позьніх стадыях эвалюцыі зорак».

Навуковая кар’ера

Эргма працавала малодшым навуковым супрацоўнікам у Інстытуце астраномаў Акадэміі навук Эстонскай ССР (1972—1974), малодшым, а затым старшым навуковым супрацоўнікам, навуковым сакратаром, навуковым кіраўніком у Інстытуце астраноміі Акадэміі навук СССР (1974—1988). У 1988—1992 гг. была прафэсарам на катэдры тэарэтычнай фізыкі і астрафізыкі Тартускага ўнівэрсытэту, у 1992—1998 гг. — Загадчыцы Інстытуту тэарэтычнай фізыкі. Вяршыняй навуковай кар’еры Энэ Эргма стала пасада віцэ-прэзыдэнта Акадэміі навук Эстоніі (1999—2004).

Энэ Эргма зьяўляецца сябрам рэдакцыйнай калегіі эстонскай Энцыкляпэдыі ТЕА (2008).