Перайсьці да зьместу

Энэргаатам

Зьвесткі зь Вікіпэдыі — вольнай энцыкляпэдыі

Каардынаты: 50°26′31″ пн. ш. 30°30′2″ у. д. / 50.44194° пн. ш. 30.50056° у. д. / 50.44194; 30.50056

«Энэргаатам»
укр. «Енергоатом»
Тып акцыйнае таварыства
Заснаваная 17 кастрычніка 1996 (28 гадоў таму)
Заснавальнікі Кабінэт міністраў Украіны
Уласьнікі Кабінэт міністраў Украіны
Краіна Украіна
Разьмяшчэньне Кіеў
Адрас Шаўчэнкаўскі раён, мікрараён Панькаўшчына, Назараўская вул., д. 3[1]
Ключавыя фігуры Пятро Коцін (старшыня), Юры Шэйка (тэхнічны дырэктар)[2]
Галіна энэргетыка
Прадукцыя цеплавая энэргія, электраэнэргія
Абарачэньне ▲83,118 млрд грыўняў (2021 год; 3,047 млрд $)
Апэрацыйны прыбытак ▲11,115 млрд грыўняў (2021 год; 407,4 млн $)
Чысты прыбытак ▲5,914 млрд грыўняў (2021 год; 216,8 млн $)[3]
Лік супрацоўнікаў 34 657 (2021 год)
Матчына кампанія Міністэрства эканомікі Ўкраіны
Даччыныя кампаніі Паўднёва-Ўкраінская АЭС, Ровенская АЭС
Аўдытар «Біндэр-Дыйкер-Отэ» (Бэльгія)[4]

«Энэргаатам» — дзяржаўнае прадпрыемства Ўкраіны, заснаванае ў кастрычніку 1996 году.

На 2024 год меў у сваім складзе 4 атамныя электрастанцыі: Запароскую пад Энэргадарам магутнасьцю на 6 гігават, Паўднёва-Ўкраінскую ў Мікалаеўскай вобласьці на 3 гігаваты, Ровенскую пад Варашам на 2,8 гігават і Хмяльніцкую пад Няцешынам на 2 гігаваты. Вырабляў звыш паловы электраэнэргіі ва Ўкраіне.

Будова

[рэдагаваць | рэдагаваць крыніцу]
Паўднёва-Ўкраінская АЭС у Мікалаеўскай вобласьці (2013 год)

На 2024 год «Энэргаатам» меў у сваім складзе 10 адасобленых падразьдзяленьняў[5].

  • «Атамрамонтсэрвіс». Заснаваны ў 2000 годзе. Меў 3 дзялянкі ў Варашы, Няцешыне і Южнаўкраінску. Улучаў 4 цэхі рамонту цепламэханічнага і электратэхнічнага абсталяваньня, цеплавой аўтаматыкі, вогнезасьцерагальных і супрацькаразійных працаў, а таксама інжынэрны і навучальна-трэніровачны цэнтры і аддзел неразбуральных спосабаў кантролю і вымярэньняў. Зь 2020 году адказваў за Цэнтралізаванае сховішча адпрацаванага ядзернага паліва (ЦСВЯП)[6].
  • «Атамэнэргамаш». Заснаваны ў 2003 годзе. Улучаў 2 заводы ў Энэргадары — нестандартнага абсталяваньня і трубаправодаў, спэцыяльных канструкцыяў, а таксама 2 рамонтна-мэханічныя заводы ў Южнаўкраінску. Вырабляў кантэйнэры для радыёактыўных адкідаў[7].
  • «Цэнтралізаваныя закупкі».
  • «Атампраектінжынірынг». Створаны ў 2008 годзе. Ажыцьцяўляў будаўнічы мантаж і пусканаладку[8].
  • «Аварыйна-тэхнічны цэнтар». Утвораны ў 2003 годзе. Праводзіў кансэрвацыю мясьцінаў апрацоўкі ядзерных адкідаў згодна з патрабаваньнямі Міжнароднага агенцтва атамнай энэргіі (Аўстрыя)[9].
  • «Навукова-тэхнічны цэнтар». Утвораны ў 2003 годзе. Правяраў канструкцыйную моц энэргаблёкаў і зварных злучэньняў. Рабіў нэўтронна-фізычныя разьлікі і ўдасканальваў водна-хімічны рэжым у актыўнай зоне рэактара[10].
  • «Складзкая гаспадарка». Створаная ў 2008 годзе. Мела дзялянкі пры кожнай з 4-х АЭС. Ладзіла ўваходную праверку якасьці вырабаў, іх аўтаматызаваны ўлік і захоўваньне[11].
  • «Энэргаатам-Трэйдынг».
  • «Кіраўніцтва справамі». Заснаванае ў 2002 годзе. Утрымлівае будынкі прадпрыемства ў Кіеве і лічбавую сетку сувязі між падразьдзяленьнямі[12].
  • Данузлаўская ветравая электрастанцыя (Аўтаномная Рэспубліка Крым). Магутнасьць 17 мэгават. Месьцілася ў Новаазёрным каля Эўпаторыі.

Мінуўшчына

[рэдагаваць | рэдагаваць крыніцу]
Хмяльніцкая АЭС пад Няцешынам (2013 год)

17 кастрычніка 1996 году Кабінэт міністраў Украіны ўхваліў Пастанову № 1268 «Пра стварэньне Нацыянальнай атамнай энэргагенэравальнай кампаніі „Энэргаатам“». 8 чэрвеня 1998 году Кабмін Украіны зацьвердзіў Пастанову № 830 «Пра прызначэньне эксплюатавальнай арганізацыі ядзерных установак», паводле якой «Энэргаатам» стаў такой арганізацыяй для Запароскай, Ровенскай, Хмяльніцкай і Паўднёва-Ўкраінскай атамных электрастанцыяў. 4 красавіка 2014 году Міністэрства энэргетыкі і вугальнай прамысловасьці Ўкраіны(uk) ўхваліла Загад № 284 «Пра ўскладаньне функцыяў эксплюатавальнай арганізацыі ядзернай устаноўкі датычна цэнтралізаванага захоўваньня адпрацаванага ядзернага паліва рэактараў тыпу ВВЭР айчынных атамных электрастанцыў»[13].

За 2021 год вырабілі 86 422 млн кіляват-гадзіна электраэнэргіі, што склала 55% яе вытворчасьці ва Ўкраіне[14]. 11 лістапада 2022 году Мінэнэргетыкі Ўкраіны зацьвердзіла Ўказ № 382 «Пра прызначэньне эксплюатавальнай арганізацыі», для вытворчасьці цеплавыдзяляльных зборак ядзернага паліва. Паводле Статуту «Энэргаатаму» 2023 году, статутны капітал прадпрыемства перавышаў 306 млрд грыўняў (8 млрд даляраў ЗША)[15].

Крыніцы

[рэдагаваць | рэдагаваць крыніцу]
  1. ^ Кіраўніцтва (укр.) // НАЭК «Энэргаатам», 2024 г. Праверана 24 сакавіка 2024 г.
  2. ^ Кіраўніцтва (укр.) // НАЭК «Энэргаатам», 2024 г. Праверана 24 сакавіка 2024 г.
  3. ^ Пятро Коцін, Натальля Вашэціна. Фінансавая справаздачнасьць за 2021 год (укр.) // НАЭК «Энэргаатам», 12 чэрвеня 2022 г. Праверана 24 сакавіка 2024 г.
  4. ^ Тацяна Бывала, С. Балчанка. Аўдытарская справаздачнасьць за 2019 год (укр.) // НАЭК «Энэргаатам», 24 красавіка 2020 г. Праверана 24 сакавіка 2024 г.
  5. ^ Адасобленыя падразьдзяленьні (укр.) // НАЭК «Энэргаатам», 2023 г. Праверана 24 сакавіка 2024 г.
  6. ^ Адасобленае падразьдзяленьне «Атамрамонтсэрвіс» (укр.) // НАЭК «Энэргаатам», 2023 г. Праверана 24 сакавіка 2024 г.
  7. ^ Адасобленае падразьдзяленьне «Атамэнэргамаш» (укр.) // НАЭК «Энэргаатам», 2023 г. Праверана 24 сакавіка 2024 г.
  8. ^ Адасобленае падразьдзяленьне «Атампраектінжынірынг» (укр.) // НАЭК «Энэргаатам», 2023 г. Праверана 24 сакавіка 2024 г.
  9. ^ Адасобленае падразьдзяленьне «Аварыйна-тэхнічны цэнтар» (укр.) // НАЭК «Энэргаатам», 2023 г. Праверана 24 сакавіка 2024 г.
  10. ^ Адасобленае падразьдзяленьне «Навукова-тэхнічны цэнтар» (укр.) // НАЭК «Энэргаатам», 2023 г. Праверана 24 сакавіка 2024 г.
  11. ^ Адасобленае падразьдзяленьне «Складзкая гаспадарка» (укр.) // НАЭК «Энэргаатам», 2023 г. Праверана 24 сакавіка 2024 г.
  12. ^ Адасобленае падразьдзяленьне «Кіраўніцтва справамі» (укр.) // НАЭК «Энэргаатам», 2023 г. Праверана 24 сакавіка 2024 г.
  13. ^ Статут ад 24 лютага 2021 году (Пастанова Кабміну Ўкраіны № 302) (укр.) // НАЭК «Энэргаатам», 2024 г. Праверана 24 сакавіка 2024 г.
  14. ^ Паказьнікі дзейнасьці (укр.) // НАЭК «Энэргаатам», 2024 г. Праверана 24 сакавіка 2024 г.
  15. ^ Статут ад 29 сьнежня 2023 году (Пастанова Кабміну Ўкраіну № 1420) (укр.) // НАЭК «Энэргаатам», 2024 г. Праверана 24 сакавіка 2024 г.
Грошавыя знакі Гэта — накід артыкула па эканоміцы. Вы можаце дапамагчы Вікіпэдыі, пашырыўшы яго.
Атрымана з «https://be-tarask.wikipedia.org/w/index.php?title=Энэргаатам&oldid=2505233»