Шара Карыг

	Шара Карыг
	Sára Karig
Асабістыя зьвесткі
Нарадзілася	14 ліпеня 1914; Бая[d], Вугоршчына;
Памерла	2 лютага 1999 (84 гады); Будапэшт, Вугоршчына;
Літаратурная дзейнасьць
Род дзейнасьці	перакладніца, паэтка, пісьменьніца
Мова	вугорская мова і ангельская мова
Узнагароды	Праведнік народаў сьвету (14 студзеня 1985) прэмія Атылы Ёжэфа[d] (1986)

Ша́ра Ка́рыг (па-вугорску: Karig Sára; 14 ліпеня 1914, Бая — 2 лютага 1999, Будапэшт) — вугорская сацыял-дэмакратка, палітвязень, перакладніца. Праведніца народаў сьвету.

Жыцьцяпіс

Нарадзілася ў сям’і настаўнікаў, скончыла Сэгедзкі ўнівэрсытэт. У 1934—1937 роках працавала гувэрнанткай у Вялікабрытаніі, пасьля вярнулася ў Вугоршчыну.

У 1941—1944 працавала ў кампаніі па гандлі віном у Будапэшце. У 1943 року далучылася да Сацыял-дэмакратычнай партыі Вугоршчыны. У 1944 року пад нацысцкай акупацыяй перахоўвала жыдоў, зьбеглых брытанскіх палонных, дэзэртыраў з вугорскай арміі, якая ваявала на баку вэрмахту.

На выбарах у парлямэнт у 1947 року працавала ў выбарчай камісіі ў Будапэшце і выкрыла фальсыфікацыю выбараў вугорскімі камуністамі. Наступнага дня арыштаваная органамі дзяржбясьпекі, вывезеная ў Бадэн (Аўстрыя) і перададзеная савецкім вайскоўцам. Тры месяцы па абвінавачваньні ў шпіянажы была зьняволеная, катаваная, пасьля накіраваная ў СССР, дзе трапіла ў Варкутляг. У лягеры працавала ў вугальнай шахце, а ў 1950 року з прычыны згаржэньня здароўя яе перавялі на работу бібліятэкарам.

У 1953 вызваленая, вярнулася ў Будапэшт і запісала на памяць свае лягерныя вершы. Рэабілітаваная ў 1957 року, працавала ў вугорскіх выдавецтвах, займалася літаратурнымі перакладамі з ангельскай, маскальскай і ўкраінскай моваў.

У 1985 року атрымала званьне Праведніцы народаў сьвету Яд ва-Шэм^[4].

Крыніцы

^ Karig Sára // Discogs (анг.) — 2000.
^ Karig Sára (1914 - 1999 ) // The Righteous Among the Nations Database (анг.)
^ ^а ^б Нацыянальная служба Чэскай рэспублікі
^ Праведники народов мира

Вонкавыя спасылкі

Шара Карыг (анг.) на бачыне Праведнікаў народаў сьвету

[_c240cd03fada3ec3-1] Karig Sára // Discogs (анг.) — 2000.

[_e16864173971c3cd-2] Karig Sára (1914 - 1999 ) // The Righteous Among the Nations Database (анг.)

[_6931ec8439c9a7c7-3] а ^б Нацыянальная служба Чэскай рэспублікі

[4] Праведники народов мира

[1]

[2]

[3]

[4]