Чвэрцькопка

Зьвесткі зь Вікіпэдыі — вольнай энцыкляпэдыі
Чвэрцькопка 1564 году

Чвэрцькопка — срэбраная манэта, першы паўталер ВКЛ, роўная чвэрці капы, ці ½ паўкопкі. Манэта выбівалася за Жыгімонтам ІІ Аўгустам у 1564 годзе на Віленскай мынцы. На сёньняшні дзень вядомы адзін асобнік манэты.

Авэрс: манаграма Жыгімонта ІІ Аўгуста, абапал дата 15 — 64, долу адзнака наміналу XV (грошаў), зьверху — вялікакняжацкая карона.

Рэвэрсгеральдычны шчыт падобны да ангельскага з гербамі Польшчы (Арол), ВКЛ (Пагоня), Кіеўскага княства (арханёл Міхаіл), Жмудзі (Мядзьведзь), Валыні (крыж). Пасярэдзіне — малы ангельскі шчыт з гербам роду Сфорцаў (зьмяя).

Літаратура[рэдагаваць | рэдагаваць крыніцу]

  • Дзьміры Гулецкі «Манэты беларускай даўніны», Мінск, «Беларусь», 2007 с. 132—134
  • Даведнік «Манэты Беларусі да 1707 года», Мінск, выд. Логвінаў, 2007
  • E. Ivanauskas, R. Douchis «Coins of Lithuania 1386—1707», Вільня-Калумбія, 1999