Чарлз Макінташ
Чарлз Макінташ | |
| Charles Macintosh | |
 | |
| Дата нараджэньня | 29 сьнежня 1766[1][2] |
|---|---|
| Месца нараджэньня | Глазга, Вялікабрытанія |
| Дата сьмерці | 25 ліпеня 1843[1][2] (76 гадоў) |
| Месца сьмерці | |
| Занятак | хімік, вынаходнік, інжынэр |
| Навуковая сфэра | хімія |
| Вядомы як | вынаходнік непрамакальнай тканіны |
| Сябра ў | Лёнданскае каралеўскае таварыства |
| Дзеці | Mary Scott Macintosh[d][3] |
| Узнагароды | |
Чарлз Макінташ (па-ангельску: Charles Macintosh; 29 сьнежня 1766, Глазга — 25 ліпеня 1843) — шатляндзкі хімік і вынаходнік. Вядомы вынаходніцтвам непрамакальнай тканіны, зь якой пазьней пачаў вырабляць паліто «макінташ».
Біяграфія
[рэдагаваць | рэдагаваць код]Чарлз Макінташ нарадзіўся ў Глазга ў сям’і фарбоўшчыка. У раньнім узросьце пачаў цікавіцца навукай. У 1786 року пайшоў працаваць на хімічную фабрыку, у 1797 адкрыў уласную вытворчасьць, першую ў Шатляндыі фабрыку галыну. Разам з Чарлзам Тэнантам вынайшаў сродак для адбельваньня тканіны (хлоркавую вапну). Таксама вынайшаў працэс аднаўленьня жалеза вокісам вугляроду, больш хуткі, чым вядомы ў той час працэс атрыманьня сталі.
Чарлз Макінташ — вынаходнік воданепранікальнага адзеньня, дзякуючы якому яго імя ўвайшло ў слоўнікі (паліто «Макінташ»). Спрабуючы знайсьці прымяненьне прадуктаў перагонкі вугалю, ён выкарыстаў нафту, пабочны прадукт гэтай перагонкі, у якасьці растваральніка каўчуку. Прапанаваў склейваць вопратку з кавалкаў прасякнутай гэтым складам тканіны. Вырашыўшы праблемы, якія ўзьнікалі з-за моцнага паху гумы, у 1823 року ён атрымаў патэнт, а ў 1836 пачаў вытворчасьць паліто «Макінташ», якія карысталіся вялікім попытам.
Стаў сябрам Каралеўскага таварыства ў 1823 року.
Вонкавыя спасылкі
[рэдагаваць | рэдагаваць код]
Чарлз Макінташ — сховішча мультымэдыйных матэрыялаў
- 1 2 Charles Macintosh // Encyclopædia Britannica (анг.)
- 1 2 Charles Macintosh // Who Named It? (анг.) — 1994.
- ↑ Bassett T. J. At the Circulating Library (анг.) — 2007.