Цімафей Мартынаў

Цімафей Мартынаў
Пэрсанальная інфармацыя
Нарадзіўся	6 траўня 2005(2005-05-06) (19 гадоў) Менск, Беларусь
Рост	180 см
Вага	69 кг
Пазыцыя	нападнік
Клюбная інфармацыя
Клюб	Арэнбург
Нумар	47
Клюбы
Гады	Клюб	Гульні (галы)¹
2022—2023	Менск	39 (6)
2024—4	Арэнбург
Зборныя
2023—4	Беларусь (да 21)	2 (1)
2023	Беларусь (да 19)[d]	3 (1)
¹ Колькасьць гульняў і галоў за прафэсійны клюб лічыцца толькі для нацыянальнай лігі. ² Колькасьць гульняў і галоў за нацыянальную зборную ў афіцыйных матчах, адкарэктавана на 22 сакавіка 2024.

Цімафе́й Аляксеевіч Марты́наў (нар. 6 траўня 2005) — беларускі футбаліст, нападнік расейскага «Арэнбургу» і моладзевай зборнай Беларусі. Паходзіць з спартовай сям’і, бо ягоны дзед Юры Мартынаў таксама некалі быў футбалістам, які абараняў колеры сталічных «Дынама» і «Тарпэда».

Кар’ера

Клюбная

Пачынаў займацца футболам у структуры «Менску». Пазьней перабраўся ў акадэмію берасьцейскага «Дынама», а ў пачатку 2021 году далучыўся да «Руха», дзе зь лета стаў выступаць за дубль. У сакавіку 2022 году, пасьля таго як берасьцейскі клюб зьняўся з Найвышэйшай лігі, стаў гульцом «Менску». Дэбютаваў у Найвышэйшай лізе 9 красавіка 2022 году, выйшаўшы на зьмену ў канцы сустрэчы з жодзінскім «Тарпэда-БелАЗ» (1:0). Пасьля зыходу зь «Менску» Ўладзімера Хвашчынскага Мартынаў стаў галоўным нападнікам менчукоў, правёўшы 25 матчаў у Найвышэйшай лізе, дзе шэсьць разоў улучыў мяч у браму супернікаў. У 2024 году студзені некалькі разоў выпраўляўся з расейскім «Арэнбургам» на зборы. У лютым склаў працоўную ўгоду з гэтым клюбам.

Міжнародная

У кастрычніку 2021 года гуляў за зборную Беларусі (да 17 гадоў) у кваліфікацыйным раўндзе чэмпіянату Эўропы. 7 верасьня 2023 году дэбютаваў у зборнай Беларусі (да 21 году), калі выйшаў на замену ў другім тайме адборачнага матча чэмпіянату Эўропы 2025 году супраць зборных Фарэрскіх астравоў (2:3).

Вонкавыя спасылкі

• Профіль (анг.) на Transfermarkt
• Профіль (анг.) на Soccerway
• Профіль (анг.) на Worldfootball