Цэнт

Манэта 1 цэнт ЗША ўзору 2003 году

Цэнт (ад лац. centum — «сто») — вытворная грашовая адзінка і разьменная манэта вартасьцю ў адну сотую базіснай грашовай адзінкі ў шэрагу краін. У эмігранцкіх выданьнях да 1930-х гадоў назва ўжывалася ў форме сэнт. У Злучаных Штатах і Канадзе аднацэнтавую манэту звычайна завуць пэні (па ўзоры ангельскага пэні).

Умоўнае пазначэньне цэнтаў — знак «¢».

Цэнты ў валютах краінаў сьвету

Прыклады грашовых адзінак (цяперашніх або існавалых у нядаўнім мінулым), якія дзеляцца на цэнты, сэнты і да т. п.:

• першым чынам даляры розных краін: аўстралійскія, усходне-карыбскія, гаянскія, ганконскія, зымбабвійскія, канадзкія, лібэрыйскія, новазэляндзкія, сынгапурскія, Саламонавых астравоў, ЗША, Трынідаду і Табага, фіджыйскія, ямайскія і іншыя, але таксама:
• Арубанскі флорын,
• Галяндзкі гульдэн (ён жа флорын),
• Эўра (эўрацэнт),
• Інданэзійская рупія (сэн),
• Камбаджыйскі рыель (сэн),
• Кіпрскі фунт,
• Летувіскі літ,
• Маўрыцыйская рупія,
• Малайзійскі рынггіт (сэн),
• Мальтыйская ліра,
• Сўазілэндзкі лілангэні,
• Сэйшэльская рупія,
• Самалійскі шылінг,
• Сьера-леонійскі леонэ,
• Танзанійскі шылінг,
• Тонганская паанга (сэніці),
• Угандзіскі шылінг,
• Шры-ланкіская рупія,
• Эстонская крона (сэнт),
• Этыёпскі быр,
• Паўднёваафрыканскі ранд.

Аналягічнага паходжаньня назва манэт сантым, сэнтава, сэнтэсіма, сэнтыма, чэнтэзіма і іншыя.