Цыбуляж

Цыбуляж
Нацыянальная страва	габрэйская кухня і польская кухня[d]
Паходжаньне	Польшча
Асноўны складнік	пшанічная мука[d] цыбуля мак алей дрожджы[d] соль цукар
Распаўсюджаныя складнікі	пшанічная мука[d], алей, дрожджы[d] і цукар
Цыбуляж у Вікісховішчы

Цыбу́ляж (па-польску: cebularz) — пшанічны пірог, страва габрэйскай кухні, цяпер распаўсюджаная ў Люблінскім рэгіёне.

Рэцэпт прыгатаваньня

Складнікі

Цеста:

• Пшанічная мука — 500 г
• Малако — 1 шклянка
• Дрожджы — 20 г
• Масла — 60 г
• 1 яйка
• Цукар — 1 лыжачка
• Соль — 1 лыжачка

Начыньне:

• Цыбуля — 2 штукі
• Мак — 2 лыжкі
• Алей — 2 лыжкі
• Соль па смаку

Прыгатаваньне

За дзень-два перад выпяканьнем цыбуляжу гатуецца начыньне. Цыбулю абварыць у кіпені (5 хвілін) і адцадзіць, гарачую перакласьці ў слоік і перамяшаць з макам, алеем, дадаць соль. Калі цыбуля ахалане, паставіць у лядоўню.

Дрожджы зьмяшаць з цукрам, 2 лыжкамі мукі і часткай цёплага малака. Пакінуць дзеля падыходу.

Як розчына падыдзе, уліць яе ў муку, дадаць солі, астатнюю частку цёплага малака, растопленае масла. Разьбіць яйка, уліць у цеста, пакінуўшы лыжку на далейшую абмазку перад выпяканьнем. Цеста перамяшаць, пакінуць дзеля падыходу (каля 40 хвілін).

Цеста падзяліць на 12 частак, сфармаваць авальныя пірагі (каля 15—20 сантымэтраў у дыямэтры). Акрайчыкі пірагоў змазаць яйкам, у цэнтры выкласьці начыньне. Выпякаць пры тэмпэратуры 200 °C да падрумяньваньня.

Гісторыя

Першыя згадкі аб прадукце датычаць XIX стагодзьдзя. Выраблялі яго тады габрэі зь люблінскага Старога гораду. Потым яго вытворчасьць перастала быць зьвязана толькі з габрэямі. Цяпер гэта адна з найпапулярнейшых страваў традыцыйнай кухні ў Люблінскім ваяводзтве. 27 красавіка 2007 году страва занесеная ў сьпіс традыцыйных страваў польскай кухні, які вядзе Міністэрства сельскай гаспадаркі Польшчы.

Вонкавыя спасылкі

• Інфармацыя на старонцы Міністэрства сельскай гаспадаркі Польшчы  (пол.)
• Aga z Zapiecka (17 траўня 2009) Cebularz lubelski (пол.). Zapiecek. Праверана 20 сьнежня 2009 г.