Фэлікс Ражанскі

Фэлікс Ражанскі
	Фэлікс Ражанскі
Род дзейнасьці	паэт, мэмуарыст
Дата нараджэньня	невядома
Месца нараджэньня	Вялікая Бераставіца, Вялікабераставіцкая воласць[d], Гарадзенскі павет, Гарадзенская губэрня, Літоўскае генэрал-губэрнатарства, Расейская імпэрыя;
Дата сьмерці	пасьля 1903
Месца сьмерці	Кракаў (?)
Месца вучобы	VI агульнаадукацыйны ліцэй імя караля Жыгімонта Аўгуста[d];
Занятак	мэмуарыст, паэт

Фэ́лікс Ража́нскі (? — пасьля 1903) — беларускі паэт, мэмуарыст, удзельнік паўстаньня 1863—1864 гадоў.

Біяграфія

Працаваў каморнікам. У 1861 годзе увайшоў у Гарадзенскую рэвалюцыйную арганізацыю Кастуся Каліноўскага. Удзельнічаў у выданьні й распаўсюджваньні газэты «Мужыцкая праўда», вёў агітацыю сярод сялянаў.

У 1863 годзе, падчас Паўстаньня Кастуся Каліноўскага, далучыўся да паўстанцкіх атрадаў В. Урублеўскага. Быў афіцэрам спачатку Ваўкавыскага, а потым Бэльскага аддзелу інсургентаў, удзельнічаў у 11 баях на тэрыторыі Беласточчыны, Гарадзеншчыны і Ваўкавышчыны, у Белавескай, Сьвіслацкай, Сакольскай і Бужанскай пушчах, а пасьля паразы кампаніі выехаў у Галіцыю, дзе неўзабаве ажаніўся і стаў землеўладальнікам. Пасяліўся ў Кракаве, праз давераную асобу ён прыслаў адтуль некалькі сваіх фотаздымкаў для сяброў і знаёмых^[1]

Памёр пасля 1903 году^[1].

Творчасьць

Аўтар паўстанцкіх песень на беларускай мове «Гэй-га разам, хлопцы…», «Ах ты, мая чарнаброва…» (апублікаваная ў 1865 годзе былым паўстанцам І. Арамовічам) ды іншых, успамінаў «3 Гарадзенскага ваяводзтва» (1903), якія зьяўляюцца каштоўнай крыніцай па гісторыі рэвалюцыйнага руху 1860-х гадоў на Гарадзеншчыне, утрымліваюць важныя факты зь біяграфіі К. Каліноўскага.

Крыніцы

^ ^а ^б Кастусь Каліноўскі не пісаў “Мужыцкую праўду”?

Літаратура

Aramowicz I. Marzenia: Pamiętnik o ruchu partyzanckim w województwie Grodzieńskiem w 1863 i 1864 r. Bendlikon, 1865. S. 21-23;
Гарадзенскія арганізацыя // Каліноўскі К. За нашую вольнасць: Творы, дак. Мн., 1999.

[razhan-1] а ^б Кастусь Каліноўскі не пісаў “Мужыцкую праўду”?

[1]