Уладзімер Рамашкін

Уладзімер Рамашкін
	Уладзімер Рамашкін
Дата нараджэньня	6 верасьня 1951
Месца нараджэньня	Ічалкі[d], Ічалкаўскі раён, Мардоўская АССР, РСФСР, СССР;
Дата сьмерці	29 жніўня 2002 (50 гадоў)
Месца сьмерці	Саранск, Расея;
Месца вучобы	Казанская дзяржаўная кансэрваторыя[d];
Занятак	музыка, сьпявак, апэратар-пастаноўшчык
Жанры	джаз, поп, танцавальная музыка[d] і фолк-музыка[d]
Інструмэнты	голас[d]
	Уладзімер Рамашкін у Вікісховішчы

Уладзіме́р Рама́шкін але Яўлань Ало (па-расейску: Владимир Ромашкин, па-эрзянску: Йовлань Оло; 6 верасьня 1951 году, Мардоўская АССР, СССР — 29 жніўня 2002 году, Саранск, Расея) — адзін з кіраўнікоў мардоўскага нацыянальнага руху канца ХХ стагодзьдзя, старшыня нацыяналістычнага аб’яднаньня «Од вий» (бел. «Новая сіла»). Паэт, хормайстар, кінадакумэнталіст, грамадзкі дзяяч, палітык. Лідэр музычнага гурту «Торама». Эрзя паводле нацыянальнасьці.

Біяграфія

Нарадзіўся ў эрзянскай сям’і ў сяле на поўначы ад Саранску. У 1975 годзе скончыў дырыгентава-харавое аддзяленьне Саранскага музычнай вучэльня імя Кірукова, дзе навучаўся ў кампазытара Нікулы Баяркіна. Пасьля гэтага паступіў на дырыгентава-харавы факультэт Казанскай кансэрваторыі, які скончыў у 1980 годзе. У 1986 годзе скончыў асьпірантуру пры мардоўскім навукова-дасьледчым інстытуце мовы, літаратуры і гісторыі, сэктар фальклёру і мастацтва. Тады ж выйшла ягоная манаграфія «Аб некаторых асаблівасьцях традыцыйнага песеннага мастацтва мардвы-каратаяў», у якой упершыню дасьледаваў музычную культуру макшанскага анкляву на тэрыторыі Татарстану.

З адраджэньнем нацыянальнага мардоўскага руху ў канцы 1980-х займаўся актыўнай грамадзкай дзейнасьцю. Таксама выступаў у якасьці сцэнарыста і кінадакумэнталіста. Суаўтар музычнага тэлефільму «Пра што сьпявае Торама». З 1990 году выкладаў музычныя дысцыпліны ў Дзяржаўнай вучэльні культуры, дзе папулярызаваў эрзянскую музычную традыцыю. Найбольш вядомы праект Уладзімера Рамашкіна — стварэньне этнамузычнага гурта «Торама»^[1], у рэпертуар якога ўвайшлі эрзянскія, макшанскія і каратайскія песьні. Рэпэртуар гурта аб’ядноўваў традыцыі розных этнаграфічных груп, якія насяляюць мардоўскі край.

Памяць

6 верасьня 2006 году ў гадавіну 55-годзьдзя музыканта ў сяле Падлесная Таўла ў Мардовіі быў адкрыты ўнікальны дом-музэй «Этна-куда» імя Ўладзімера Рамашкіна^[2]. У 1989 годзе, тады яшчэ малады, нікому не вядомы музыкант набыў невялікую хатку ў вёсцы Падлесная Таўла. Ён палюбіў гэтае сяло, ягоных добрых, простых жыхароў і прыроду. Ужо вядомым фальклярыстам ён марыў пра этна-турыстычны маршрут у дадзенае сяло, бо яно вядома як цэнтар эрзянскай традыцыі разьбы па дрэве^[3]. Ужо традыцыяй стала правядзеньне штогадовага фальклёрнага фэстывалю старажытнай эрзянскай і макшанскай песьні «Торамась терди»^[3], прысьвечаны дню нараджэньня Ўладзімера Рамашкіна.

Крыніцы

^ «Звезда упала — свет её остался. Жизненный и творческий путь Йовлань Оло». Эрзянь Мастор
^ Евдокимова Т. Его «Торама» звучит на весь мир. // Вперед. Атяшевского района. – 14 сентября. – С. 4.
^ ^а ^б Этнотуризм в Мордовии: пять мест, которые обязательно стоит посетить туристам!. Турыстычны партал «Мардовія»

Вонкавыя спасылкі

Староонка на партале фіна-вугорскіх народнасьцяў

[1] «Звезда упала — свет её остался. Жизненный и творческий путь Йовлань Оло». Эрзянь Мастор

[2] Евдокимова Т. Его «Торама» звучит на весь мир. // Вперед. Атяшевского района. – 14 сентября. – С. 4.

[turizmrm-3] а ^б Этнотуризм в Мордовии: пять мест, которые обязательно стоит посетить туристам!. Турыстычны партал «Мардовія»

[1]

[2]

[3]