Уладзімер Меншык

Уладзімер Меншык
Vladimír Menšík
Памятная дошка ў Іванчыцах
Імя пры нараджэньні	Уладзіслаў Меншык
Дата нараджэньня	9 кастрычніка 1929
Месца нараджэньня	Іванчыцы
Дата сьмерці	29 траўня 1988
Месца сьмерці	Брно
Прычына сьмерці	астма[d]
Месца пахаваньня	Альшанскія могілкі[d]
Грамадзянства	Чэхаславаччына
Месца вучобы	Акадэмія музычных мастацтваў імя Яначака[d]
Занятак	актор
Гады дзейнасьці	1953—1988
Дзеці	Petr Menšík[d]
Узнагароды	Народны артыст Чэхаславаччыны[d] (1978) Заслужаны артыст Чэхаславаччыны[d] (1974)
IMDb	ID nm0579844
Уладзімер Меншык у Вікісховішчы

Уладзі́мер Ме́ншык (па-чэску: Vladimír Menšík; 9 кастрычніка 1929, Іванчыцы, Чэхаславаччына — 29 траўня 1988, Брно, Чэхаславаччына) — чэскі актор мараўскага паходжаньня, вядоўца, шоўмэн. Народны артыст Чэхаславаччыны. Бацька акторкі і вядоўцы Марціны Меншыкавай. У тэатры граў вельмі мала — большасьць са сваіх 150 роляў выканаў у фільмах і на тэлебачаньні.

Жыцьцяпіс

Скончыўшы вучэльню, пэўны час працаваў на будоўлі. Пасьля з другой спробы паступіў у Музычную акадэмію ў Брне, па сканчэньні ў 1953 прыйшоў працаваць у Весьніцкі тэатар. Хоць там быў заангажаваны цалкам, усё ж марыў здымацца ў кіно. Упершыню паўдзельнічаў у здымках фільму «Вялікі шанец» у масоўцы. Пасьля выкананьня ролі італійскага мэханіка ў фільме «Дзядуля аўтамабіль» рэжысэра Альфрэда Радка нарэшце зьвярнуў на сябе ўвагу. Аднак гэта не спадабалася Эмілю Францішку Бур’яну, які недалюбліваў кінэматограф, таму ў 1958 року Ўладзімер Меншык сышоў з тэатру і падпісаў дамову з кінастудыяй «Barrandov».

Ягонае кінэматаграфічнае майстэрства напоўніцу раскрылася ў 50-я—60-я рокі. Быў ня толькі камэдыйным акторам; бліскуча выконваў таксама трагікамічныя і нават драматычныя ролі. У 1970-х ужо граў пераважна ў камэдыях, як у фільмах, так і ў казках і сэрыялах. Зьявіўся ў сотнях тэлевізыйных перадачаў, зьняўся ў больш чым 150 кіна- і тэлефільмах.

Цягам доўгіх гадоў цяжка хварэў на астму. Акрамя таго, шмат курыў і піў, што вельмі падкасіла ягонае здароўе. Апошні раз здымаўся ў тэлеперадачы «ABECEDA» ў траўні 1988, праз два дні памёр у Брне. Пахаваны на праскіх Альшанскіх могілках.

Памяць

У ягонай роднай хаце ў Іванчыцах ўсталяваная памятная дошка і дзейнічае пастаянная выстава.

29 красавіка 2007 была ўрачыста адкрытая аглядная вежа Ўладзімера Меншыка ў Гліне.

У Брне існуе кавярня Ўладзімера Меншыка, якою валодае ягоны сын Пэтар.

Сям’я

Уладзімер Меншык быў жанаты двойчы. Зь першаю жонкаю Вераю мелі двух дзяцей — сына Пятра (1955) і дачку Ўладзімеру (1957). З другою жонкаю Вольгаю мелі яшчэ двух — сына Яна (1962) і дачку Марціну (1965), якая таксама стала акторкаю.

Фільмаграфія

• «Нерашучы стралец» (1956) — poddůstojník
• «Дзядуля аўтамабіль» (1956)
• «Верасьнёвыя ночы» (1957)
• «Шчаняты» (1957)
• «Лёгкае жыцьцё» (1957)
• «Падробка» (1957)
• «Канец яснавідцы» (1957)
• «Туга» (1958)
• «Аднойчы на Раство» (1958)
• «Зорка йдзе на поўдзень» (1958)
• «Сёньня апошнім разам» (1958)
• «Абуджаныя» (1959)
• «Агідная панна» (1959)
• «Кароль Шумавы» (1959)
• «Галоўная перамога» (1959)
• «Даржбуян і Пандргола» (1959)
• «105% алібі» (1959)
• «Благія панядзелкі» (1960)
• «У нас у Мехаве» (1960) — šofér
• «Перажыўшы ўласную сьмерць» (1960)
• «Прашча» (1960)
• «Паходні» (1960)
• «Хлопец як гара» (1960)
• «Шэсьце да Багародзіцы» (1961)
• «Мужчына зь першага стагодзьдзя» (1961)
• «Лябірынт сэрца» (1961)
• «Колькі словаў трэба любові» (1961)
• «Шукаю тату» (1961)
• «Эман Фіала» (дакумэнтальны, 1961)
• «Завея» (1962)
• «Даждлівы дзень» (1962)
• «Ганначка ідзе ў школу» (1962)
• «Пачаць спачатку» (1963)
• «Цешча» (1963)
• «Між намі, злодзеямі» (1963) — Bazan
• «Як прыйдзе кот» (1963)
• «Крэндзялёк» (1964) — Lahvička
• «Аповеды пра дзяцей» (1964)
• «Ліманадны Джо, або Конская опэра» (1964)
• «Чынтамані і ліхвяр» (1964)
• «Блазнава хроніка» (1964)
• «Закон Архімэда» (1964)
• «Паклічце Марціна» (1965)
• «Цалкам змучаны хлопец» (1965)
• «Трыццаць адзін у цені» (1965)
• «Жудасная жонка» (1965)
• «Пушчык едзе ў Прагу» (1965)
• «Любошчы аднае бляндынкі» (1965)
• «Герой баіцца» (1965)
• «Алібі на вадзе» (1965)
• Ženu ani květinou neuhodíš (1966)
• «Забойства па-нашаму» (1966)
• «Мядовы месяц, або Яшчэ не, Яўжэн!» (тэлевізыйны фільм, 1966)
• «Голая пастушка» (1966)
• «Хто хоча забіць Джэсьсі?» (1966)
• «Гульня бяз правілаў» (1966)
• Flám (1966)
• «Аўтарэвю» (тэлевізыйны фільм, 1966)
• «Змова з д’яблам» (1967)
• «Злачынства і хітрасьць 1» (тэлевізыйны фільм, 1967)
• «Абсалютна сакрэтныя прэм’еры» (1967)
• «Маркета Лазарава» (1967)
• «Клетка для дваіх» (1967)
• «Калі ж сьвята Дамініка» (1967)
• «Хэпі энд» (1967)
• «Усе добрыя суайчыньнікі» (1968)
• «Крэматар» (1968)
• «Рапарт» (тэлевізыйны фільм, 1968)
• «Труну ва сьне ўбачыўшы» (1968)
• «Нашая шалёная сямейка» (1968)
• «Маратон» (1968)
• «Грэшныя людзі места праскага» (тэлевізыйны сэрыял, 1968)
• «Багавуш» (тэлевізыйны фільм, 1968)
• «Шэсьць чорных дзяўчынак, або Чаму зьнік Заяц» (1969)
• «Сьветачы» (1969)
• «Радасьці бацькі Айчыны» (1969)
• Přehlídce velím já (1969)
• «Цнатлівасьць і крымінал» (1969)
• «Адважная лэдзі» (1969)
• «Забойства інжынэра Чорта» (1970)
• «Рэквіем па рыцарах» (1970)
• «Радуз і Магулена» (тэлевізыйны фільм, 1970)
• «Спадарожніца прыгожага драгуна» (1970)
• «Спадару, вы ўдава!» (1970)
• «На камеце» (1970)
• «Лук каралевы Дароткі» (1970)
• «Жанчыны ў афсайдзе» (1971)
• «Туга Шэрлака Холмса» (1971)
• «Саламяны капялюш» (1971)
• «Пяць мужчынаў і адно сэрца» (1971)
• «Дзе сонца ня ходзіць» (тэлевізыйны фільм, 1971)
• «Ф.Л. Вэк» (тэлевізыйны сэрыял, 1971)
• «Дзяўчына на мятле» (1971)
• «Залатое вясельле» (1972)
• «Радэа» (1972)
• «Рабаўнік Легенда» (1972)
• «Аферы маёй жонкі» (1972)
• «Ордэр на арышт каралевы» (1973)
• «Тры гарэшкі для Папялушкі» (1973)
• «Апошні баль на рожнаўскім басэйне» (1974)
• «Як утапіць доктара Мрачка» (1974)
• «Ці падыходзім мы адзін аднаму, любы?» (1974)
• «Жыла-была адна хата» (тэлевізыйны сэрыял, 1974)
• «Так пачынаецца каханьне…» (1975)
• «Родзіч» (тэлевізыйны фільм, 1975)
• «Памаранчавы хлопчык» (1975)
• «Купаньне жарэбчыкаў» (1975)
• «Мой брацік мае найлепшага браціка» (1975)
• «Поле» (1975)
• «Два чалавекі пачынаюць наступ» (1975)
• Parta hic (1976)
• «Наш дзядуля Ёзэф» (1976)
• «Бурлівае віно» (1976)
• «Заўтра ўстану і абваруся гарбатай» (1977)
• «Як абудзіць прынцэсу» (1977)
• «Чаму б не дадаць шпінату» (1977)
• «Ікарава падзеньне» (1977)
• «Жанчына за пультам» (1977)
• «Залатыя вугры» (тэлевізыйны фільм, 1978)
• «Скандал у бары Гры-Гры» (1978)
• «Прынц і Вячэрняя зорка» (1978)
• «Не чапайце яго, няхай баіцца» (1978)
• «Пагроза» (1978)
• «Брат на ўсе грошы» (1978)
• «Цудоўныя мужчыны з камэраю» (1978)
• «Каханьне між кроплямі дажджу» (1979)
• «Крохкія ўзаеміны» (1979)
• «Арабэля» (тэлевізыйны сэрыял, 1979)
• «Злачынства на пошце» (тэлевізыйны сэрыял, 1980)
• «Сасьпелае віно» (1981)
• «Выходныя без бацькоў» (1981)
• «Зялёная хваля» (1982)
• «Развод дык развод» (1982)
• «Наведнікі» (тэлевізыйны сэрыял, 1983)
• «Лятаючы Чэстмір» (тэлевізыйны сэрыял, 1983)
• «Як князь Роган» (тэлевізыйны фільм, 1983)
• «Пералётныя птушкі» (тэлевізыйны фільм, 1983)
• «Паўдома без жаніха» (1984)
• «Як ствараецца сьмех» (1984)
• «Дзеці заўтра» (1984)
• «Маладое віно» (1986)
• «Добрыя галубы вяртаюцца» (1987)
• Hurá za ním (1988)

Аўтар сцэнару

• 1967 — «Клетка для дваіх»
• 1971 — «Дзе сонца ня ходзіць» (тэлевізыйны фільм)

Сьпявак

• 1958 — «Зорка йдзе на поўдзень»
• 1959 — «Даржбуян і Пандргола»
• 1960 — «Прашча»
• 1968 — «Ах, тая вайна» (тэлевізыйны фільм)

Літаратура

• Osobnosti — Česko : Ottův slovník. — Praha: Ottovo nakladatelství, 2008. — С. 456—457. — ISBN 978-80-7360-796-8
• TOMEŠ, Josef, a kol. Český biografický slovník XX. století. — Praha; Litomyšl: Paseka; Petr Meissner, 1999. — Т. II. díl : K–P. — С. 376. — ISBN 80-7185-246-5

Вонкавыя спасылкі

• Жыцьцяпіс і фільмаграфія  (чэс.) // Kinobox.cz
• Чэска-славацкая фільмавая база  (чэс.)
• Уладзімер Меншык (анг.) на сайце IMDb